Vawiin khan Chhangte ah Vaisam Group YMA Conference Pu S.Laldingliana, Parliamentary Secretary in a hmanpui.

He Conference hmanna ah hian Pu Dinga chuan Chhangte ah Health Clinic Centre a pe nghal a. A thawktu atan Health Worker MT Biakhnuna hruaithla in a dah nghal a ni. Conference ah hian Doctor te hruaiin Free Clinic an nei a, damlo mi 50 chuang an inentir a ni.

He YMA Conference a thu sawiin Pu Dinga chuan YMA hi pawl thianghlim leh tanpui ngaite tanpui zel turin a ngen. Chutih rualin pawl intodelh pawh a tum tur a ni a, Pathian rawngbawlna a ni tih kan hriat a ngai a ni a ti. Thalaite hi Kristian kan ni a, thianghlim leh hrisel tur kan nih angin kawng engkimah zuk leh hmuam chungchangah te pawh kan insumin kan fimkhur tur a ni a ti.

He Group YMA Conference thupui chu ‘Khawtlang Nun Siamthat’ tih a ni. Pu S.Dinga hi a bialchhung mipuiten an lawm hle a. Group YMA Conference pawh hlung takin an hmang a ni.

Pu Dinga hian Group YMA te tanpui nan Cheng 50,000 leh an khua atan WLL Set a pe bawk.