Vawiin March ni 4, 2012 (thawhtanni) khan Parliamentary Secretary, Pu S.Laldingliana chuan a bial chhung khua Tawipui North-II-ah Tawipui North-II Branch YMA huaihawt C.Rosangliani Memorial Running Football Tournament a hawng.

Pu S Laldingliana chuan infiammi kalkhawmte hnenah fuihna thu sawiin thalaite chu taimakna leh tumruhna nena an kal a nih phawt chuan Mizoram chhung chauh ni lo, India ram leh ram pawnah pawh kan lang thei a ni tiin chutianga hlawhtlinna nei tur chuan ruihhlo laka fihlim a tul a ni, a ti. Mizoram sawrkar-in thalaite hmakhaw ngaia Sports Policy hrang hrang a duante tarlangin Pu Dinga chuan sawrkarin thalaite duhsakna ti hlawhtlingtu nih tum theuh turin a fuih a ni.

He Tournament hi Pu C.Papuia leh Pi C.Hmingliani ten December ni 13, 2008-a boral ta an tunu C.Rosangliani hriatrengna atana an buatsaih a ni a. He Tournament-ah hian Tawipui Zone huamchhung Khaw 11 atangin Team 19 an tel a ni. Hawnna inkhawmahah hian Pu PC Lalrohlua, Pro-Pastor chuan hunserh a hmang a. C.Rosangliani sunna hun an hmang bawk.