Pu T.Gupta IAS (Rtd) Chairman, Standing Inquiry Commission for the the Autonomous District Councils in Mizoram chuan Saiha-a Mara Autonomous District Council te dinhmun diktak enfiah turin Saiha a lo thleng.

 

 

 

Vawiin chawhma dar 11 : 40 khan Mara Autonomous District Council a tlawh nghal a, amah lo lawmna inkhawm tawi M.A.D.C. Complex-ah neih a ni. He inkhawm tawi hi Pu F.C. Zase, Chairman, M.A.D.C. chuan a kaihruaia, Cultural show hmuhnawm tak M.T.P. Saiha Vengpui Branch ten an en tir bakah thilpek te pawh hlan a ni bawk. Amah chawnglawmna inkhawmtawi neih hnu hian Chief Executive Member, Mara Autonomous District Council Room ah District Council lam hotute nen meeting pawimawh tak  an nei zui nghala, M.A.D.C-a Executive Member leh Officer te an tel ani. He meeting ah hian M.A.D.C. lam hotute chuan an harsatna hrang hrang neih te an thlen a, a sutkian dan ngaihtuahpui turin an ngen nghal bawk ani. He Meeting ah hian Pu N.Zahry, Member Secretary, Standing Inquiry Comission leh District Bawrhsap Pu Kunal IAS te pawh an tel a ni.