No.3366/2020-2020

Dated Champhai, the 23rd July, 2020: Law & Judicial Minister Pu T.J. Lalnuntluanga, Champhai South bialtu MLA ni bawk chuan vawiin khan a bial chhunga infiamna hmunhma leh inkalpawhna kawngpui siam that ngaite a enfiah bakah leimin avanga harsatna thleng theite zirchiangin   hmalak dan tur Official leh khawtlang hruaitute nen an ngaihtuah.

Minister leh amah tawiawmtute hian MGNREGA leh MLA Fund kaltlanga Dinthar Veng Football Field laih mek chu tlawhin infiamna hmunhma tha tak neih anih theihna tura hmalak zel dan tur an rel a, mamawh angte a tul anga ngaihtuahho zel nise an ti.   Dinthar Veng atanga Khankawn-Zotlang  World Bank Road pawhtu kawng Kilometre 1.2 a thui tihzauh dan turte pawh en nghal niin, PWD Engineer-te chu  hnathawh dan tur kimchang  siam tura  tih an ni a. Hemi hnu hian leimin avanga harsatna tawk mek Zion Veng thlanmual leh Electric Veng huamchhung Sapsakei lamlian kawng kamte enfiah niin, hmalak dan turte ngaihtuah a ni. 

Zion Veng VLTF te chuan Covid-19 hripui dona turin Bawrhsap Pi Maria C.T Zuali kutah tanpuina pawisafai Rs 7,000/- CM Relief Fund atan an hlan nghal a ni.

Law & Judicial Minister Pu T.J. Lalnuntluanga hi Pi Maria C.T Zuali Deputy Commissioner, Pu R.Lalnghakliana Project Director DRDA, Dr.Lallawmkima DIPRO, Er. J.Lalhmachhuana EE, P&E,  Er. Eddie C. Zothansanga EE, PWD, Er. Thangchhuana Pautu SDO, PWD leh khawtlang hruaitu te’n an tawiawm a ni.