Vawiin chawhma dar 11:00 khan Pu T.T.Zothansanga, Champhai North Bialtu MLA chuan Vety Department hnuaia NLUP trade vawk leh ar thlangtute hnenah 2nd Installments sum semna hun a hmanpui.

Semna inkhawmah hian thu sawiin Pu T.T. Zothansanga chuan NLUP chu Sawrkar Flagship programme anih avangin sawrkar-in a ngaipawimawh hle a, chuvangin NLUP dawngtute chu an trade thlante sawrkar-in a duh ang ngeiin ti hlawhtling ngei se a duh thu a sawi a ni.

Vawiina NLUP Vety Trade a Vawk thlangtu mi 570 te hnenah hian mipakhat tan Rs. 14150 theuh a pek niin a avaiin Rs. 80,65,500 semchhuah a ni a. Ar thlangtu mi 150 te hnenah mi pakhat tan Rs. 14900 a pek niin a vaiin Rs.22,35,000 sem chhuah a ni. A pumpuiin vawiin ni hian Rs. l,03,00,500 sem chhuah a ni.

Pu Laltlanmawia, DVO chuan Vety Department hnuaia NLUP dawngtute hi kumin krismas hma ngeiin 2nd installments pek vek tum an nih thu a sawi bawk a ni.