Vawiin khan Pu Zodintluanga Sport Minister chuan Mamit-ah Lawn Tennis Court a hawng.

Pu S. LaldinglianaParliamentary Secretary Health etc chuan Vawiin vek hian Mamit Mizo Venga Volleyball Court hawngin Bialtu MLA, Deputy Speaker ni bawk Pu John Rotluangliana chuan Field Veng Mamit-a Boxing Hall-a hawng bawk a ni.

Hawnna inkhawm Boxing Hall-a buatsaih Pu Zothankhuma IAS District Bawrhsap kaihhruaiah thusawiin Pu Zodintluanga, Sport Minister chuan hetianga Mamit-a thalaite infiamna tur tha hawn theih a ni ta hi thil lawmawm tak a ni tiin hei hi Bialtu MLA Pu John Rotluangliana thahnem ngaih vang a ni a ti a, Sawrkar in miretheiten lei rem an rah ve theihna tur leh eizawnna nghelnghet an neih theih nan NLUP a kalpui mek lai hian thalaite Sport lama khawvel hriat khawpa chherchhuah leh chumi atana tul te buatsaih a tul a ni tih sawrkar in hria-in hma a la mek a, Catch Them Young Policy Aizawl-ah leh Lunglei-ah kalpui mek anih thu tarlangin District tinah hmalak chhoh zel a nih tur thu a sawi bawk.

Khuallian chuan Mamit khawpui chei nan cheng nuai 60 leh Hall sakna tur cheng nuai 30 Central in a pawm tawh thu leh pawisa a awm tawh thu tarlangin hmalak chhoh nghal a nih tur thu a sawi bawk.

EWS Housing Under IHSDP hnuaia mirethei insak tanpuina dawngtuten tha taka an sak avangin lawmthu a sawi bawk a ni. Heng insak te hi Minister hian a hmunah a tlawh nghal bawk a ni. Pu Zodintluanga, UD&PA Minister chuan Mamit khawpuiah Shopping Complex din turin hma lak mek a nih thu a sawi a,  Mamit a Sport displine hrang hrang te tan infiamna hmanrua engngemaw zat hian nghal a ni.

Pu John Rotluangliana Bialtu MLA Deputy Speaker pawhin thusawiin nikhatah a ruala Boxing Hall, Lawn Tennis Court leh Volley Ball Court hawn hi a la awm ngai a rin loh thu leh hei hi Sport Minister hmalakna leh thawhrimna anih avangin a chungah lawmthu a sawi a, Pu John-a chuan infiammi te hi mi rilru kawi an awm ngai loh thusawiin tuna infiamna hmun, hmun hrang hranga kan hawn tak te hi midang, khaw thenawmte pawhin an hman tangkai ve theihna turin kan rilru kan tih zauha kan in huam a tul a ni tiin kalkhawm te a chah a ni.

Bialtu MLA chuan heng infiamna hmun kan hawn tak te hi thalai ten hlawhtlinna an hmuhna hmun a nih ngei theihna tura hmang tangkai turin a chah bawk a ni.

Pu Lianzuala, Secretary, Mizoram State Sports Council-in Technical Report a pe a, Boxing Hall sak nan hian Rs 24,92,216.00 ruahman niin ni 26.8.2010 ah sak tan a ni a, 17.2.2011 ah zawh fel a ni a. A dung 17.5m leh a vang 10.80m a ni. Changing room leh toilet pathum bakah 10.80X3.50 a zau Guest room a awm bawk Lawn Tennis Court siam na atan hian Rs 7,59,880.00 ruahman niin ni 26.8.2010 ah hna tan a ni a, ni 12.12.2010 ah zawh niin a dung 37.00 leh a vang 19.00 a fencing hi Rs. 4,67,100.00 ruahman niin ni 6.8.2010 ah hna tan niin ni 15.12.2010 ah zawh a ni. Volley Ball Court siam nan hian Rs. 3,66,704.00 ruahman niin hna hi 26.8.2010 ah tan a ni a, ni 13.11.2010 ah zawh a ni a dung 24.00m leh a vang 15.00m a ni.

Minister hi Mamit Bialtu MLA Pu John Rotluangliana, Deputy Speaker, Pu S. Laldingliana Parliamentary Secretary, Health, Pu K. Lianzuala Chairman, K VI Board, Pu R. Selthuama Chairman NLUP Implementing Board, Pu Ramzauva Vice President MSSC leh Officials thahnem takin an  tawiawm a ni.

Attachment

  • Loading attachment...