UD&PA Minister Pu Zodintluanga chuan Chanmari YMA Hall-ah Aizawl Municipal Council huamchhunga Local Council member te leh Ward Committee nominated member te puala Local Council Seminar 2011 a hmanpui.
He seminar hi nilenga neih a ni a, chawhma lamah Pu Lal Thanhawla, Chief Minister chuan Khuallian niin he seminar hi a hmanpui a. Session hnihna-ah hian Khuallian niin UD&PA Minister Pu Zodintluanga chuan Village Council kha a tangkai leh khawtlangin a mamawh em avangin a thlaknan Local Council hi siam a ni a ti a. Local Council te chu khawtlang mamawh leh dinhmun hre chiang bertu an nih avangin hmasawnna hna thawh kawngah leh AMC hnuaia sum hman kawngah pawh an mawhphurhna a lian hle a ni tiin khawtlang thatna turin hleih nei lova thawk turin a duh tih a sawi. Pu Zodintluanga chuan hmasawnna atana sorkar ruahmanna hi MLA bial bil emaw, AMC ward bil emaw tana lo hauh bik hlur emaw, insemrual tawp emaw chi a ni lo tih sawiin development mamawh dan a zira fund sem a nih thin dan a sawi a, Mizoram sorkarin AMC mawhphurhna pek a tum dan a sawi bawk. AMC hi piang tir a ni a, chuvangin kum 100 chuang lo ding tawh municipal corporation thenkhatte vawilehkhata tluk tum nghal mai lovin muang changa thang chho zel turin sorkarin ruahmanna a siam a ti a ni.
Pu Zodintluanga chuan 13th Finance Commission in Mizorama Urban Local Body (ULB) inrelbawlna bik atan kum 2010-2015 chhungin General Basic Grant Rs. vaibelchhe 61.40 leh thawh that dan ang zela sum dawn theih tur General Performance Grant atan Rs. vaibelchhe 32.51 a ruahman tih a sawi a. Heng sum hman that hi Aizawl khawpui hmasawnna tur a ni tiin chu hmasawnna hna thawh kawngah chuan Local Council te hi ban pawimawh tak an ni a ti a ni.
Pu Zodintluanga hian AMC Logo in design siak lawmman a sem nghal a. Logo design thehluttu 23 zingah 1-na chu Lalsiamkunga, Ramhlun South niin lawmman Rs. 5,000/- a dawng a. 2-na chu Rudy Zoremsanga, Khatla South niin Rs. 3,000/- a dawng a, 3-na Lalrintluanga, Edenthar chuan Rs. 2,000/- a dawng bawk.
AMC Local Council Seminar session 2-na hi Pu Zarzoliana, Vice Chairman, AMC in a kaihruai a. Pu R.L. Rinawma IRS, Commissioner/Secretary, UD&PA chuan AMC hmachhawp sawiin Mizoram sorkar hnuaia department hrang hrang atanga AMC in mawhphurhna a chhawm tur ruahmanna a sawifiah. He seminar-ah hian AMC hmalakna "Solid Waste Management" chungchang Pu Lalzirliana, Executive Councillor, AMC in sawi hawngin kalkhawmten sawi hona hun an hmang a ni.
Pu Zodintluanga chuan 13th Finance Commission in Mizorama Urban Local Body (ULB) inrelbawlna bik atan kum 2010-2015 chhungin General Basic Grant Rs. vaibelchhe 61.40 leh thawh that dan ang zela sum dawn theih tur General Performance Grant atan Rs. vaibelchhe 32.51 a ruahman tih a sawi a. Heng sum hman that hi Aizawl khawpui hmasawnna tur a ni tiin chu hmasawnna hna thawh kawngah chuan Local Council te hi ban pawimawh tak an ni a ti a ni.
Pu Zodintluanga hian AMC Logo in design siak lawmman a sem nghal a. Logo design thehluttu 23 zingah 1-na chu Lalsiamkunga, Ramhlun South niin lawmman Rs. 5,000/- a dawng a. 2-na chu Rudy Zoremsanga, Khatla South niin Rs. 3,000/- a dawng a, 3-na Lalrintluanga, Edenthar chuan Rs. 2,000/- a dawng bawk.
AMC Local Council Seminar session 2-na hi Pu Zarzoliana, Vice Chairman, AMC in a kaihruai a. Pu R.L. Rinawma IRS, Commissioner/Secretary, UD&PA chuan AMC hmachhawp sawiin Mizoram sorkar hnuaia department hrang hrang atanga AMC in mawhphurhna a chhawm tur ruahmanna a sawifiah. He seminar-ah hian AMC hmalakna "Solid Waste Management" chungchang Pu Lalzirliana, Executive Councillor, AMC in sawi hawngin kalkhawmten sawi hona hun an hmang a ni.
Attachment
- Loading attachment...
