nrinni Chawhma Dar 11:00 khan Pu.Zodingtluanga Sport Minister chuan Sport Incentive cash award Saikuti Hall ah infiam mite hlanna a nei.

Lunglei, Saiha leh Lawngtlai Dist a mite tan Sport Incentive Cash Award 2010-2011 chu inrinni khan Sport Minister Pu.Zodintluanga'n Saikuti Hall ah a sem. Hemi puala inkhawm Lunglei Dist Sport & Youth Services Officer Pu.J.Vansangzuala kaihhruai-ah hian Pu.Zodintluanga chuan thu sawiin, infiamna lamah khawpui lam aiin, thingtlang lam atangin Mizoram ti hmingthatu an tam zawk hle a, sawrkar chuan thingtlang naupang ten talent tha tak tak an neih a ni tih hria-in, an talent haichhuak turin theihtawp a chhuah zel a, chu mai chu duhtawk lovin khawpui naupang te pawhin tih tak takna thinlung leh phurna an neih theihna turin sawrkarin Policy hrang hrang a siama, heng te hi a hlawhtlinna tur chuan Sport Association hrang hrang te bakah Nu leh Pa te nen thawhhona tha tak neih sawrkar chuan a beisei a ni, a ti. A sawi zelna ah Sport minister chuan Mizo te hian talent kan nei tha a, chuvangin thil chi hrang hrang ti dum lovin, keimahni tuina bik-ah tih tak takna leh tumruhna nen kan beih phawt chuan khawvel ah kan lang thei a, sawrkarin Sport lama hmasawnna tur kawng hrang hrang min chhawpchhuah sak te hmang tangkai a, Mizoram leh hnam ti hmingtha tu ni tura tih tak takna leh tumruhna thinlung nei turin thalaite ka ngen che u a ni a ti bawk.

He hun hmanna ah hian Sport Discipline 10 atangin mi 38 te hnenah cheng nuai 3, sing 8, sang 5, za-2 leh 50 semral a ni a, Mizoram pum a semral tur chu cheng nuai 64, sing 2, sang 8, za-2 leh 50 anih thu Pu.Lalzirmawia Chhangte Sport Deptt Director chuan he hun hmanna ah hian a sawilang bawk a ni.