Pu Zodintluanga, Sports & Youth Services Minister chuan vawiin khan XXIV North East Sports Games a tithate lawmna inkhawm Tuikhuahtlang Branch YMA Hall a neih chu a hmanpui. He North East Sports hi April 19 - 24 chhung khan Shillong ah neih a ni.
Minister chuan he sports a tithate a lawmpui rualin NE Games a kan nihna ngai 4-na nih reng hi a hun tawh lova, kan rilru ah kan hneh ngei tur ani a ti. State aiawha kan kal dawnin kan inbuatsaih chhung, training period hi a reilo lutuk a kumtluang a inbuatsaih a tul ani tiin Minister chuan Association hrang hrangten tournament a han tel zawh hi chuan an tihtur an zo mai a an ngai thin hi pawi a tih thu a sawi a. Pu Zodintluanga chuan sports discipline hrang hrangah talent tha kan zawn chhuah thiam a pawimawh thu a sawi bawk.
NE Games ah hian Mizoram atangin infiammi 159 leh Official 21 an kal a, Gold Medal 9,Silver Medal 24 leh Bronze Medal 26 an lo hawn a, a pumpui inelnaah State 8 zingah Mizoram team hi 4-na an ni.
NE Games ah hian Mizoram atangin infiammi 159 leh Official 21 an kal a, Gold Medal 9,Silver Medal 24 leh Bronze Medal 26 an lo hawn a, a pumpui inelnaah State 8 zingah Mizoram team hi 4-na an ni.
