Ruahman lawk angin Press Information Bureau(PIB) leh Central hnuaia media units dang DFP, DAVP, DDK, AIR, Songs & Drama Division te tangruala an buatsaih- Nithum-awh Sawrkar laipui hmalakna, Mizoram chhunga hnathawh hrang hrang mipuite hnena puanzarna (Public Information Campaign on Bharat Nirman/Flagship Programmes of Central Government) tum 19-na chu nimin khan zawhfel a ni ta. He Campaign tum 19-na hi Lawngtlai District chhunga khaw pathum- Sangau, Siachangkawn leh Bualpui ‘NG’-ah te 7th -10th February,2012 chhung khan neih a ni a.February 7,2012(Thawlehni) khan Sangau ah tanin, 9th February 2012(Ningani) khan Siachangkawnah chhunzawm a ni a, Campaign ni hnuhnung ber leh a kharna chu 10th February(Zirtawpni) khan Bualpui ‘NG’ ah neih a ni.
Khuallian niin mi pawimawh ten a hnuai tarlan ang hian he Campaign hi an hmanpui a ni :
1. Pu F.Vanlalawma,President, VC Association, Sangau RD Block. - Sangau
2. Pu Thangchem Zathang, MCS, Project Director, DRDA, Lawngtlai District. - Siachangkawn
3. Pu P.T.Lalchuanglura, MDC, Lai Autonomous District Council. - Bualpui ‘NG’
He Campaign-ah hian Bharat Nirman/Flagship Programmes of Central Government – PMGSY, RGGVY, ARWSP, Rural Telephony, Minor Irrigation, ICDS, SSA, IAY, RTI, Mid-Day Meal, NRHM, MGNREGA, BRGF, Prime Mnister’s New 15 Programme for the welfare of Minoroties - te nihphung leh hengte hmanga Mizorama hnathawh mek a nih dan Department aiawh ten mipuite hnenah an sawifiah a, zawhna leh chhanna hun hman thin a ni. Campaign pengkhat atan Campaign neihna hmun zawng zawngah hian NRHM atangin MMU (Mobile Medical Unit) ten pawisa chawi ngai lova Damlo enna an buatsaih zel a, a theih chin chinah Damdawi pawh a thlawnin an sem nghal zel a ni. Mipui ten he campaign hi an ngaihlu hle.
