2391/2026-2027

Aizawl, dated 28th September 2026: Vawiin khan Engineer-in-Chief, Public Works Department (PWD) Conference Hall-ah National Informatics Centre kaihhruainain e-Office hman dan tur PWD hnuaia hnathawkte tan inzirtirna vawi hnihna neih a ni.

He hunah hian PWD Engineer-in-Chief Er. David Sapzova chuan thu sawiin, e-Office hman dan zir tura kalkhawm te chu October ni 1 atanga hman tan tur a nih avangin he training tawi te chhung hian thiam hman tum turin a chah a, an hnathawhnaa an tangkai pui ngei a beisei thu a sawi bawk.

He hunah hian e-Office Protect Manager Pu Remsangpuia Vaiphei leh Project Lead Pu Lalsangliana te'n zirtirna hun an hmang a, e-Office awmzia te sawifiahin e-file hman dan tur te, a workflow te an zirtir a ni.