3158/2023-2024

Aizawl, the 22^nd December 2023 : Tukin khan PWD Minister Pu Vanlalhlana leh Environment, Forest & Climate Change Minister leh Aizawl East I bialtu MLA ni bawk Pu Lalthansanga te chuan Assam Rifles ram Zokhawsang piah leh a chhehvela loneitute ten an huan panna kawng chungchanga harsatna an tawh mek leh heng harsatna sutkian nana Sawrkara ngenna tunhnaia an thehluh chungchang bawhzuiin Minister 2 ten helai hmun leh a kawng te hi loneitute aiawh thenkhatte leh PWD Engineer-in-Chief leh PWD senior officer dangte nen enho a ni.

Pu Vanlalhlana chuan loneitute an huan panna kawng chungchanga harsatna an tawh te chu a thei ang anga sutkian sak turin theihtawpin kawng a dappui tur thu a sawi a. Loneituten a panna kawnga thar sial sak tura ngenna an siam pawh a thei angin angin a lo enzui tur thu a sawi bawk.

Helai bawra huan leh loneitute chuan tunhmain Assam Rifles ram Zokhawsang patlangin an huan te hi an feh mai thin a. Mahse nikum March atangin Assam Rifles chuan an ram paltlang chu rem an tih tawh loh avangin Bypass Road an tih mai kaltlangin an huan hi an pan thin a. He kawng hi a thui bakah a tha lova chuvangin loneituten Sawrkar ah kawng thar tawi zawk siam sak turin ngenna an thehlut a ni.