Union Minister for Road Transport & Highways Pu Kamal Nath a kaihhruaina a PWD Ministers meeting vawina New Delhi-a neihah Mizoram Chief Minister Pu Lal Thanhawla chu thusawitu hmasa ber a ni.
Chief Minister chuan North-Eastern State te hmasawnna hi UPA Sawrkar ngaihpawihmawh ber pakhat a ni a. Pu Kamal Nath an hetiang meeting pawimawh tak States hrang hrang ten Central Ministry nena kan policy leh program te inhriatpui tawnna huntha a buaihsaih hi a chungah lawmthu a sawi a. Hetiang zinga hmasawnna ruhrel pawimawh ber pakhat chu inkalpawhna kawngpui siam hi a ni ati a. Hemi lamah hian Ministry of Road Transport & Highways leh DONER Ministry ten nasa taka hma an lak avangin lawmawm kan ti a, thingtlang khua ten in kal pawhna kawng an neih theih nana Ministry of Rural Development in PMGSY hmanga hma anla te hi a fakawm hle a ni ati. India ram hmundang leh hmarchhak state te inkalpawhna tha zawk a awm theih nana program pawimawh tak East-West Corridor hnuaiah hian Silchar thleng chauh a thlen avangin Aizawl thleng four-lane siam tur a NHAI in kum hnih kal ta a DPR alo siam tawh chu tih puitlin thuai anih theih nan Ministry of Road Transport & Highway chu min bawhzui sak thuai turin a ngen a. Aizawl leh Lawngtlai inkar kawngpui two-lane tala siam turin Special Accelerated Road Development Program (SARDP) Phase 'A' hnuaiah khung nise ati bawk a. Hei hi Lawngtlai leh Myanmar border inkar kawngpui two-lane a siam tur nen a zawh hun a inrual theih nan a tih a ni a.
Chief Minister chuan Mizoram chhungah National Highways engemaw zah min puan sak turin Ministry of Road & Highways-ah a thehluh tawh thu sawi langin, chungte chu Keitum - E.Lungdar - Zokhawthar inkar kawngte anni a. National Highway- 44 'A' Mizoram ,Tripura leh Assam chhimlam dep kawng te enkawlna tha zawk Central Sawrkarin min ngaihtuah sak se tih te a sawi lang a ni.
Hmarchhak state khawpui Agartala, Aizawl, Imphal leh Kohima te inkalpawhna National Highway 706 kilometers a thui National Highways Development Project Phase-III hnuaia four-lane a zaua siam turte hi NHAI emaw Border Road Organization emaw hian chak takin hma la se tih a duhthu a sawi bawk a ni.
Chief Minister chuan Mizoram chhungah National Highways engemaw zah min puan sak turin Ministry of Road & Highways-ah a thehluh tawh thu sawi langin, chungte chu Keitum - E.Lungdar - Zokhawthar inkar kawngte anni a. National Highway- 44 'A' Mizoram ,Tripura leh Assam chhimlam dep kawng te enkawlna tha zawk Central Sawrkarin min ngaihtuah sak se tih te a sawi lang a ni.
Hmarchhak state khawpui Agartala, Aizawl, Imphal leh Kohima te inkalpawhna National Highway 706 kilometers a thui National Highways Development Project Phase-III hnuaia four-lane a zaua siam turte hi NHAI emaw Border Road Organization emaw hian chak takin hma la se tih a duhthu a sawi bawk a ni.
