No.5518/2020-2021 

Dated Serchhip, the 28th September, 2020:  Pu Kumar Abhishek, IAS, Deputy Commissioner, Serchhip District, Serchhip chuan Quarantine chungchangah a hnuaia mi ang hian hriattirna a chhuah.

 

Serchhip District huamchhunga mi leh sa/khualzin, hmun dang atanga lo haw te quarantine dan chungchang chu a hnuaia tarlan ang hian kalpui mek a ni.

 

Home Department in Mizoram a rawn lut tur phalna a pekte chu Lengpui Airport-ah emaw Vairengte Check Gate-ah emaw screening an paltlang thin a. Khualzin/ lo haw quarantine ngaite Serchhip District-a rawn hawna tur lirthei neite chu mahni inngaihtuah phalsak an ni a, mahni a motor inngaihtuah theilote chu Sawrkar in a ruat bik (empanelled vehicles) te man chawiin an rawn hmang ang. Motor hman man erawh  chu an inbiakremna ang a ni ang.

 

Mahni chhungte/ thawhpuite rawn haw tur reng reng chu Pi Baby Lalsawmzuali, Phone No. 8787824221 hnenah whatsApp emaw phone call emaw in an hriattir tur a ni. Khualzin / lo haw tur te hi Deputy Commissioner’s Office, Serchhip a Tracking team ten an rawn zin chhuah hma atanga an lo thlen thleng in uluk takin phone call hmangin an awmna chin zawh thin an ni a. An quarantine na hmun tur ruatfel a nih hnuah hrilhhriat thin an ni.

 

Quarantine tur te hi Sawrkar Quarantine Facility-a remchan dan ang zela dah luh thin an nih avangin mahni awmna tur thlan emaw hauh lawk theih a ni lo.

 

Mizoram Sorkar Notification No. B. 13021/101/2020-DMR/Pt-III dated 20.07.2020 in State pawn atanga Mizoram rawn lutte an quarantine leh test senso chu an intum tawh tur thu  a chhuah angin Serchhip District-a quarantine tur te chuan an quarantine senso hi an tum tur a ni.

 

Quarantine period hmang zo tawh te, Sawrkar Quarantine Facility atanga an rawn chhuah atanga ni 7 (sarih) chhung uluk takin an invawng (self monitor) tur a ni.

 

Home Quarantine dil tur ten an awmna VLTF-te hriatpuina (recommendation) nen an rawn haw hma ni thum aia tlai lovah Deputy Commissioner, Serchhip hnenah dilna an rawn thehlut tur a ni. VLTF-te hian an in quarantine na hmun tur uluk taka en in, a him ngei a ni tih an hriatchian chauh an rawn recommend tur a ni. 

 

Quarantine chungchanga zawh duh nei te tan a hnuaiah hian phone number tarlanah hian zawhchian theih a ni. 

 

Sl. No

Hming

Phone Number

Rawnna tur thu hla

1.

Dr.Manesia Khaimeichho

6033123750

Zin haw permit chungchang

2.

Pi F. Lalnisai

6033123760

Quarantine leh zin haw chungchang

3.

Pi Baby Lalsawmzuali

8787824221

Rawn haw tur in report na