No.3606/2021-2022
Aizawl, 9th January, 2022: January ni 8 leh 9, 2022 ah Rabung khuaah Covid-19 hri kai tam tak hmuh chhuah a ni a. He khuaa chengte zingah hri a darh zel loh nan leh khaw thenawmahte a kai darh lohna turin inkhuahkhirhna siam thuai a tul tih hriat a ni a. Rabung VLTF, Medical Officer, Zonal Officer-te biakrawn an nih hnuah District Bawrhsap Pu C.C. Lalchhuangkima, Chairman, Khawzawl District Disaster Management Authority ni bawk chuan 'The Disaster Management Act, 2005' Section 30 (iii) leh Section 34 (m) in thuneihna a pek angin vawiin January ni 9, 2022 tlai dar 6 (6:00 PM) atangin Rabung khaw pumpui chu Hmun Khuahkhirh Bik 'Restricted Area' ah a puang.
VLTF, Medical Officer leh Zonal Officer ten he thupek hi sut a hun an tih veleh sut a ni ang.
Restricted Area Rabung khuaah a hnuaia tarlan inkaihhruainate hi zawm ngei tur a ni-
1. Thenawmte nen inlenpawh tawh loh tur a ni a; a tam thei ang ber mahni Inah tawmim tur a ni.
2. Ram lama hnathawh leh In lama mahni a hnathawh chu phal a ni a; VLTF te phalna/hriatpuina in hna thawh tur a ni. A huhoa hna thawh loh tur a ni.
3. Rabung VLTF hriatpuina leh remtihna lo chuan Rabung atanga zin chhuah emaw, khaw dang atanga Rabung zin phal a ni lo. Hei hian Covid-19 kaihhnawiha hnathawkte leh Deputy Commissioner, Khawzawl District-in phalna a pekte a huam lo ang.
4. Inkhawm, Sikul hawn, Dawr hawn leh puipunna eng pawh khap a ni.
5. Lirthei tlan reng reng Rabung khaw chhungah chawlh tir loh tur a ni.
He thupek bawhchhiate chu 'The Mizoram (Containment and Prevention of the Spread of Covid-19) Act, 2020' Chapter 2, Section 4 & 5 hmanga hrem theih an ni ang.
Restricted Area-a Rabung khua puan a nih tak avanga harsatna engpawh nei chuan Zonal Officer tarlante hi biakpawh theih reng an ni.
1. Pu F. Engkunga, Asst. Commandant, 2nd IR Bn. Khawzawl - 8414830512
2. Pu M. Lalrammawia, SDO, PWD, Khawzawl - 8974036080
