N0.1036/2020-2021

Mamit 13th May, 2020 : Vawiin khan DC Conference Hall, Mamit-ah Rainfed Area Development (RAD) hnuaia Annual Action Plan 2020 - 2021, District Agriculture Officer, Mamit siam chu Dr Lalrozama, IAS District Bawrhsap ho-in thlirhona neih a ni.

Annual Action Plan 2020 - 2021 ah hian Mamit District chhung Reiek leh Zawlnuam Block huam chhunga khaw 4 Hmunpui, Rengdil, Hreichuk leh Lungphun khuaah hmalak a ni dawn a. RAD hnuaiah hian Horticulture Based Farming System hnuaiah loneitu chhungkaw 90, Livestock Based Farming System hnuaiah chhungkaw 90-te leh Fishery Based Farming System hnuaiah loneitu chhungkaw 90-te tuam tum an ni. RAD hnuaiah hian kumdanga tih thin ang sumfaia loneitute Account- kaltlanga tanpuina pek thin chu a hlawhtling tawk lova hriat a nih avangin, Kuminah hian sumfaia inpe lovin loneitute hi hmanrua, an mamawh ang pe tura ruahmanna siam a nih thu tarlan a ni.

Rainfed Area Development hnuaiah hian Luangmual zau, Sihthianglui zau leh Tuikhurlui zau-ah hmalak a ni dawn a. Mamit District chhunga chhungkaw 270-te chuan he hmalakna hi an chhawr thei dawn a ni.