Railtel hotu ten vawiin khan Chief Minister Pu Lal Thanhawla chu a office ah an hmu.

Railtel hian India rama district, sub division leh block zawng zawng optical fibre cable hmangin inbiakpawhna thlun zawm vek hi an hmachhawp lian ber a ni a. Mizoram chu ram chhengchhia, remlo tak tak a tam avangin chak taka hmalak a harsat tur thu Chief Minister chu an hrilh a. Block level thlenga broadband thlun zawm sak chu an thil tum lian tak pakhat anih avangin, thingtlang mi te pawhin tangkai zawkin bank te pawh an hman theih tur thu Pu Hawla hi an hrilh bawk a ni.

Railtel Corporation of India Limited (RailTel) hi kum 2000 September thla khan Union Railways Ministry hnuaiah Public Sector Unit anga din a ni a. Din anihna chhan ber chu India ram thingtlang kilkhawr ber thlenga broadband telecom leh multimedia networka thlun zawm a ni.