Mizoram rawn tlawh a lo zin Rajasthan Legislative Assembly Speaker Pu Deependra Singh  Shekhawat chuan vawiin chhun khan Mizoram Assembly  Speaker Pu R. Romawia a office-ah hmuin inkawmna hun tha tak an hmang.

Rajasthan Speaker chuan Mizoram chu State ralmuang, khualzinte hip thei tourism lama beiseina sang tak nei ni a a hmuh dan te, Mizoram Assembly rorel a felfai leh a muanawm dante tarlangin state dang te tan pawh entawntlak nia a hriat thu a sawi a. Rajasthan Assembly kalphung thenkhat tarlangin a duh apiang tan a tlawh theih tur website an neih thu leh member tin ten MLA ten zawhna ziak a chhan chi kartin vawikhat, session loh lai pawhin an zawh theih dan an ruahman thute a sawi.

Mizoram  Assembly  Speaker Pu Romawia pawhin Mizoram chanchin tlangpui a hrilha. Assembly inkaihhruai dan te, Committee hrang hrang thutkhawm leh an hmalak dante a hrilh bawk. Ngaihhrui nan Pu Romawia hian mizo kawr leh ipte chei a hlan a, ama pual hian zaninah zanriah a buatsaih sak dawn nghe nghe a ni.