373/2023-2024
9.5.2023 : Mizoram Rajya Sabha MP Pu K.Vanlalvena chuan vawiin khan India Prime Minister Pu Narendra Modi hnenah memorandum thehlut in Manipura thil thlengte chhuitu tur Christian MP te telna Joint Parliamentary Team din tura ngenna a thlen.
Pu Vena chuan May ni 2 ,2023 atanga tun thlengin Manipurah Christian biak in 42 aia tlem lo tih chhiat a nih tawh thu leh heng zingah hian Tribal Christian te biak in chauh tihchhiat a nih loh thu leh Meitei Christian biak in pawh 6 lai tihchhiat a nih thu Prime Minister hi a hriattir a.Manipur buaina hi meitei leh tlangmi te intihbuaina ringawt a ni lo tih hei hian a tifiah hle a.Manipur atanga Christiante umchhuah tum an awm tih a hriat chian a, hei hi India constitution lungphum pawimawh pakhat sawinghinna a nih thu Pu Vena chuan Prime Minister hi a hrilh bawk a ni.
May ni 5, 2023 zanah Assam Rifles duty ten Churachandpur ah Civil mi pawisawi lo hmeichhe 3 leh mipa 1 an kahhlum thu Pu Vena chuan Prime Minister hnenah a thlen bawk a. Heng thil tha lo chi hrang hrang titu chhuichhuaha hrem annih theih na turin Christian MP te telna Joint Parliamentary team din turin Prime Minister Pu Narendra Modia hnenah ngenna a thehlut a ni.
