3765/2022-2023

Aizawl, the 6th March 2023: Vawiin khan Pu K. Vanlalvena M.P(Rajya Sabha) chuan MZP bultum a ZORAM NI 2023, Vaivakawn Cultural Centre Cum Auditorium a hman chu khuallian niin a hman pui.

Khuallian Pu K. Vanlalvena chuan Zoram Ni hmangthei tura hun tha petu leh buaisaihtu MZP te hnenah lawmthu sawiin 1966 March Ni 5 hi zofate tan tawrna rapthlak tak ani tih kan hriat thar apawimawh hle a, vawiin a hetiang hun kan hmang India sawrkar lakah inlak hran tum leh na nilo in kha tih hun laia Mizo mipui tawrhna kan hre renga, chu chuan ram leh hnam hmangaihna ah harh thar leh na hun atan hmang ila a duh thu a tarlang a, he hun a lo kal te pawh kan ram leh hnam pasaltha te hrereng tur leh thangthar te pawn thahnem ngai taka kan thiltihna ah hnam rilru pu chungin tih zel a duh thu a sawi ani.

 Khuallian Pu K. Vanlalvena chuan tun hnaiah mithenkhat ten Zalenna an sual lo tih a awm thin chu thil hriat fuh tawk loh vang ani, a ti a. Bomb hmanga beih  hial kan nih hnuah party in an loh avanga tunhnuah hetiang sawi a awmthin chu pawi a tiin, Mizoram history nuai reh tum na a ni, a ti a,  Mizo nationalism chu bomb hmangin tireh tum mahse eng tikah mah areh a rin loh thu leh thangthar ten hei hi an chhawm nung zel abeisei thu a sawi bawk. Pu K. Vanlalvena hian Pu B. Vanlalvuana lehkhabu ziah 'Ramzun ngaih leh 'D' zun' tih lehkhabu a tlangzarh nghal ani.