No.925/2021-2022 

 

Aizawl, the 11th June 2021 : Vawiin khan ram chhung Hmarchhak Assembly Speaker ten virtual meeting an nei, he meeting ah hian Mizoram Legislative Assembly Speaker Pu Lalrinliana Sailo pawh a tel a ni.

 

Meeting hi Arunachal Pradesh Legislative Assembly Speaker, Commonwealth Parliamentary Association (CPA) Zone-III Chairman nilai mek chuan a kaihruai a. Meeting-ah hian Hmar chhak miten chi leh hnam avanga enhranna kan tawh thin chungchang leh chumi avanga harsatna thleng thinte sawiho a ni.

 

Pu Lalrinliana Sailo, Mizoram Speaker chuan meeting-ah hian Hmarchhak miten ram hruaitu te thleng pawha en hranna an lo tawh thin thu sawiin Hmarchhak Legislative Assembly te inzawm khawmna forum CPA India Zone-III hminga heng harsatna kan tawh thinte a lo reh theihna tura tanrual leh hmalak tul a tih thu a sawi. Sawi hona neih hnuah Hmarchhak Assembly Speaker te hmingin hmar chhak miten chi leh hnam avanga enhranna leh harsatna kan tawh thinte a lo reh theihna tura hma la turin Prime Minister, Chairman Rajya Sabha leh Speaker Lok Sabha te hnenah ziaka thlen ni se an ti a. A tul anga delegation pawh Central India-ah in tirh ni se tih a ni a. Meeting-ah hian CPA India Zone-III kal zel dan tur pawh sawiho a ni.

Attachment

  • Loading attachment...