No.1420/2021-2022

Aizawl 16th July 2021: Aizawl DC chuan Ramhlun Venglai hmun thenkhat Containment Zone/Area-a puan a nih thu a chhuah a. Hemi chungchanga DC thuchhuah chu a hnuai a mi ang a ni e. 

Aizawl khawpui chhungah COVID-19 positive hmuhchhuah a pung zel a. Veng thenkhatah chuan COVID-19 punna hi a tam zualin, heng vengte dinhmun hi zirchian a nih hnuah COVID-19 hrileng darh zel tur venna atan  Containment Zone/Area-a  puan  a ngai tih hmuh a ni a.

Chief Medical Officer, Aizawl East in zirchianna leh a tul anga hma a lak hnuin,Ramhlun Venglai chu Containment Zone/Area-a puan rawtna a rawn thlen a.

Chuvangin, Section-34(b)(c) of the Disaster Management Act, 2005 behchhanin a hnuaia Ramhlun Venglai hmun thenkhat tarlan te hi ni 15.07.2021 (Ningani) Zan dar 10:00 atangin Containment Zone/Area-ah puan a ni.

Heng area chhungah hian Deputy Commissioner-in phalna a pekte, Medical duty, Security duty, helai hmuna duty pawimawh nei tura ruatte leh SOP for Containment Zone/Area vide Order No.C.16011/298/2020-DC(A)/Lockdown dt. 30.06.2021 in phalna a pekte bak mi tumah an lutin an chhuak tur a ni lova, veng leh veng inkalpawhna kawng (main road) erawh chu ding lova tlan tlang phal a ni ang. Containment Zone-a hman tura inkaihhruaina (SOP) siam chu mitinin zawm vek tur a ni.

RAMHLUN VENGLAI Containment Zone/Area puanna:

TAITESENA SECTION:

1. Pu Lalliana in atanga Boxing Hall thleng chhuk zawnga tan thla in.

2. Boxing Hall kawmah pheiin, step chhuk tawite kal thla a, Pu Lalrinfela In atanga phei zawnga Pu Laldawngliana (L) in thleng. (Pu Lalnghakliana In tel lovin).

3. Pu Laldawngliana(L) In atanga Kawrpui lane, Pu Zomawia ram ruak thlengin.

(Total No. of Household contained – 89)

Heng Containment Zone/Area chhunga khawsa, harsatna neite tan a hnuaia mite hi biak pawh theih an ni ang.