Department of Environmental Science, School of Earth Science, Mizoram University huaihawtin vawiin khan MZU Guest House-ah 'State Level Training of Field Investigators on Documentation & Assessment of Local health Traditions' neih tan a ni a, Forest Minister Pu H.Rohluna chu Khuallian niin Training hi a hawng a ni. North Eastern Institute of Folk Medicine (NEIFM), Department of Ayush, Govt. of India, Pasighat, Arunachal Pradesh leh Foundation for Revitalisation of Local Health Traditions (FRLHT), Bangalore tangkawpa bultum sak he Training-ah hian Mizote zinga ramhmul damdawi lama tui mite tan ramhmul chungchang zirtirna chipchiar zawk leh an ramhmul damdawi hman hrang hrang te fel taka chhinchhiah leh zau zawka thehdarh dan zirho a ni dawn.
Training hawnna Dr.H.Ramnghinglova, State Coordinator kaihhruai-ah hian Khuallian Pu H.Rohluna chuan thu sawiin pipu-te atanga hman thin ramhmul damdawi te hi kan rama awm thing leh mau, hnim, hnah leh ramhmul hrang hrang te hmanga siam a nih avangin, heng kan ram hausakna te hi humhalh leh hman thiam a pawimawh tak zet a ni, a ti. Khawvel mihring zatve aia tam chuan ramhmul damdawi hmang thin an ni a, amaherawhchu ram kan ti chereu nasat tawh lutuk avangin heng damdawite hi tuma hriat hlawh lovin an ral mai ang tih a hlauhawm a ni, a ti bawk. Hriatchinah chuan khawvelah hnim leh hnah atanga damdawi siam 1700 chu hman mek a ni a, hnam tenau te hman uar (tribal Medicine) 8000 chuang awmah rin bawk a ni a. India sorkar pawhin ramhmul damdawi siam leh uar chu ngai pawimawhin helama tan la turin kum 2000 khan National Medicinal Plants Board a din tawh nghe nghe a, Mizoram-ah pawh ramhmul, hnim leh hnah atanga damdawi siam chu mipuite ngaihsak leh ngaihsan hlawh chho zelin tun hnaia Department of Ayush buatsaih 'AROGYA Free Clinic' pawh pantu an tam hle a. Heng kan rama ramhmul te hi fel taka chhinchhiah leh zir chiang a, khawvel hriata phochhuah zel turin tan lak a pawimawh thu a sawiin Forest Department chuan Mizoram hmun hrang hrangah YMA Park te a din a, Community Reserve 54 lai din leh turin cheng nuai 100 a dah tih a sawilang bawk.
NEIFM Director Pu Otem Dai, IAS pawhin thu sawiin ramhmul damdawi te hi allopathy damdawia tihdam theih loh natna hrang hrangah hman tangkai a nih mai bakah a hlauhawm lo a ni, a ti a. Hmarchhak biala ramhmul damdawi te zirchiang a, awlsam zawka siam leh thehdarh theih nan North Eastern Institute of Folk Medicine hi India sorkarin kum 2008 khan a din tan a, hei hian hmarchhak bial mipuite chauh ni lovin rampuma ramhmul damdawi zirmi leh hmangte tan remchanna thui tak a siam mek a ni, a ti bawk.
Vawiina hawn tak Training hi May ni 17-24, 2011 thleng a awh dawn a. India hmun hrang hrang atanagin ramhmul lama mithiamten zirtirna pein, he Training chhimtute chu ramhnuaiah te kalpuiin Mizoten an hman uar ramhmul damdawi leh an la hmelhriat lo hnim leh hnah te pawh zawnpuia zirho a ni dawn. He Training-ah hian District 8 bakah Autonomous District Council 3 atangin ramhmul lama tuimi leh inhmang mek te an tel kim hle a ni.
He Training chhim tur hian Pu G.Hariramamurthi, Asst. Director, Institute of Ayurveda & Integrative Medicine (I-AIM) FLRHT, Bangalore pawh rawn telin India rama ramhmul damdawi tobul dan leh dinhmun chungchang sawizauna a neih bawk.
NEIFM Director Pu Otem Dai, IAS pawhin thu sawiin ramhmul damdawi te hi allopathy damdawia tihdam theih loh natna hrang hrangah hman tangkai a nih mai bakah a hlauhawm lo a ni, a ti a. Hmarchhak biala ramhmul damdawi te zirchiang a, awlsam zawka siam leh thehdarh theih nan North Eastern Institute of Folk Medicine hi India sorkarin kum 2008 khan a din tan a, hei hian hmarchhak bial mipuite chauh ni lovin rampuma ramhmul damdawi zirmi leh hmangte tan remchanna thui tak a siam mek a ni, a ti bawk.
Vawiina hawn tak Training hi May ni 17-24, 2011 thleng a awh dawn a. India hmun hrang hrang atanagin ramhmul lama mithiamten zirtirna pein, he Training chhimtute chu ramhnuaiah te kalpuiin Mizoten an hman uar ramhmul damdawi leh an la hmelhriat lo hnim leh hnah te pawh zawnpuia zirho a ni dawn. He Training-ah hian District 8 bakah Autonomous District Council 3 atangin ramhmul lama tuimi leh inhmang mek te an tel kim hle a ni.
He Training chhim tur hian Pu G.Hariramamurthi, Asst. Director, Institute of Ayurveda & Integrative Medicine (I-AIM) FLRHT, Bangalore pawh rawn telin India rama ramhmul damdawi tobul dan leh dinhmun chungchang sawizauna a neih bawk.
