Vawiin khan Union Minister for Drinking Water & Sanitation Pu Bharat Singh Solanki kaihhruaina hnuaiah State hrang hrang PHE Minister te chu Vigyan Bhawan New Delhi ah an thukhawm a. He meeting-ah hian PHE Minister Pu S. Hiato pawh a tel a ni.
Pu S. Hiato chuan PHE Department in mipuite tana tui thianghlim leh tha an pek theihna tura Central Sorkarin a tanpui thin avangin Union Minister hi lawmthu a hrilh a. Mizoram chu State naupang a nih avangin Mizoram harsatna hriatthiam puia theihtawpa tanpui zel turin a ngen a. Pu Hiato chuan fur ruahtui dahkhawlna tha leh a hman tangkai theihna kawnga tanpui turin a ngen bawk.
He meeting-ah hian PHE Department in mipui te tana hma a lo lak tawhna te thlirho niin hmalak zel dan tur an sawiho a ni. Naktuk hian Pu Hiato chu Tourism chungchanga sawrkar laipui meeting pawimawh takah a tel dawn bawk a ni.
