No.6080/2020-2021

Mamit 14th October, 2020 : Vawiin khan BNRGSK Hall, Kanhmun-ah Dr. Lalrozama, IAS, Mamit District Bawrhsap kaihhruainain Anbamuthan MP, IAS, Karimganj Deputy -Commissioner-te nen Assam leh Mizoram inrina chungchang sawi ho-a Meeting neih a ni.

Dr. Lalrozama chuan vawiina Meeting ngaipawimawha Assam atanga Officials rawn kalte chungah lawmthu a sawi a. Meeting koh anih nachhan sawifiahin Ni 9/10/2020 (Zirtawpni)-a Assam Karimganj District Official-te'n Thinghlun khua-a Pu John Zolawma thlam an hal avang leh Pu Ben David-a Kuhva huan an suasam avanga hetianga Meeting hi koh ngai ta anih thu a sawi a. Hetiang thil duhawm lo thleng avang hian State pahnihte inkar a chhiat phah theih avangin thil thleng chu pawi a tih thu a sawi.

Mamit District Bawrhsap hian Thinghlun khua-a thil duhawm lo thlentirtute chu man chhuak a, action la ngei tura a phut thu sawiin thil thlenna hmun hi hmanlai kan pi leh pute atanga mahni ta anga kan lo cheibawl thin, huan lo ram thlenga kan neih thinna anih avangin hun lokal zel turah pawh a hma anga neih chhunzawm reng theih an inbeisei thu a sawi.

Anbamuthan MP, Karimganj DC pawhin thil duhawm lo thleng chu pawi a tih thu sawiin chutihrualin thil thlenna hmun chu Singla Forest Reserve hnuai a awm, Karimganj District chhung ami anih avangin an thuneihna zahsak turin Mizoram lam Officials-te chu a ngen a ni.

Vawiin thutkhawmah hian heng thute hi pawm a ni.

1. Ramri chungchang tifel turin anmahni State Sorkar thuneitu sang hnenah thlen a, chinfel thuai nise tih a ni.

2. Buaina thlenna hmunah hian dan leh thupek kenkawh a awlsam zawkna tur leh boruak sosang veng turin a tul anga Police Duty hmun siam nise tih a ni.

3. Sorkar pahnihte'n ramri buaina chinfel anih thuai theihna tur leh remna leh muanna a awm theih nan thawhdun dan an zawng tur a ni.

Meeting-ah hian Mamit District Bawrhsap hian Assam Officials-te Khiangkawi Ipte hlanin Karimganj DC pawh hian Mizoram Officials-te hi thilpek a hlan ve bawk a ni.

Vawiin ramri chungchang sawihona hunah hian Mizoram lam atangin DIG Northern Range Mizoram, SP Mamit, OSD Home, DFO Kawrthah, SO, LR&S Mamit, DIPRO Mamit, DLR&S -te an tel a. Assam lam Officials-te atang hian DIG Southern Range, SP, ADC, CCF, SAC, SSP (B), DFO, ACF leh Officials dangte an tel a ni.