No.1341/2021-2022

Aizawl 11th July 2021: Aizawl DC chuan Ramthar Veng hmun thenkhat Containment Zone/Area-a puan a nih thu a chhuah a. Hemi chungchanga DC thuchhuah chu a hnuai a mi ang a ni e.

Aizawl khawpui chhungah COVID-19 positive hmuhchhuah a pung zel  a. Veng thenkhatah chuan COVID-19 punna hi a tam zualin, heng vengte dinhmun hi zirchian a nih hnuah COVID-19 hrileng darh zel tur venna atan Containment Zone/Area-a puan a ngai tih hmuh a ni a.

Chief Medical Officer, Aizawl East in zirchianna leh a tul anga hma a lak hnuin, Ramthar Veng hmun thenkhat chu Containment Zone/Area-a puan rawtna a rawn thlen a.

Chuvangin, Section-34(b)(c) of the Disaster Management Act, 2005 behchhanin hnuaia Ramthar Veng a  hmun tarlan te hi ni 11.07.2021  (Pathianni) Zing dar 4:00 atangin Containment Zone/Area-ah puan a ni.

Heng area chhungah hian Deputy Commissioner-in phalna a pekte, Medical duty, Security duty, helai hmuna duty pawimawh nei tura ruatte leh SOP for Containment Zone/Area vide Order No.C.16011/298/2020-DC(A)/Lockdown dt. 30.06.2021 in phalna a pekte bak mi  tumah an lutin an chhuak  tur a ni lova,  veng leh veng inkalpawhna kawng (main road) erawh chu ding lova tlan tlang phal a ni ang. Containment Zone-a hman tura inkaihhruaina (SOP) siam chu mitinin zawm vek tur a ni.

RAMTHAR Containment Zone/Area:

Neuva Section huamchhung Pu C.Laltlankima in atanga Sihpui Road a chhukin Dr C.Zarzokima in a pawh  anga,  Dr  C.Zarzokima  in  atanga  chhuk  thlain Pu Lalnuzira in a pawh anga, chhim lamah pheiin Pu Kaphmingthanga  in  a pawh leh anga, chuta tanga   chhoin Pu C.Laltlangkima in  a pawh  chho  ang. 

(Total Number of Household contained – 51)

Heng Containment Zone/Area chhunga khawsa, harsatna neite tan a hnuaia mite hi biak pawh theih an ni ang.