2496/2022-2023
Champhai, the 31st October, 2022: Champhai District chhunga ran natna, Foot & Mouth Disease (FMD) ni a rin vei hmuhchhuah avanga khapna District Magistrate Champhaiin 21.10.2022 a chhuah tawh chu A.H. & Vety. Department mithiamte'n Champhai District chhunga Bawng awmte an endik hnuah hri kaia rinhlelh hmuh belh a nih loh avangin, District Magistrate Pu James Lalrinchhana chuan Sec. 144 CrPC, 1973 (Act II of 1973) hmanga bawng chungchanga khapna thupek a chhuah tawh chu a hnuai ami ang hian a siam danglam a nih thu vawiin khan a chhuah.

He thupek thar hian ni 21.10.2022 a khapna order chhuah chu a luahlan (supercede) ang. Thupek thar chu hetiang hi a ni:

1) Champhai District chhungah District pawn lam atangin bawng lak luh phal a ni lo.

2) Champhai District chhunga bawng awm mekte chu ni sawmpali an awm tlin hnuah A.H. & Vety Department-in an endik ang.

3) A.H. & Vety Department-in bawng hrisel tha ngei a ni tih finfiahna Veterinary Soundness Certificate an pek chhuahte chauh District chhunga tih ral leh District pawna phurhchhuah phal sak an ni ang.

4) Veterinary Soundness Certificate nei lova bawng phur chhuak man an nih chuan dan angin an chungah thununna lekkawh a ni ang.

He thupek zawm lo tu chu IPC Sec. 188 hmanga hrem theih an ni. He thupek hian chhuah a nih (31.10.2022) atanga thla hnih (2) chhung a huam ang.