Vawiin khan a ni hnihna atan Task Force Committee for Removal of encroachment of National Highway 54 te chuan Rangvamual, Phunchawng leh Sairang tan tlang National Highway 54 hmun engemaw zat a dipdal ni a chhinchhiahna hmun ennawnna hna an thawk chhunzawm.

Vawiin NH 54 endiknaah hian Rangvamual ah hmun 51 chhinchhiah tawh ennawn niin hmun 16 ahte chuan hmalak a ni tawh a, a bak hmun 35 ah hma la vat tura hriattirna pek an ni. Phunchawng leh Sairang ah hian hmun 85 chhianchhiah tawh te ennawn a ni bawk a, tuizem kawng hrul a hung, kawng hnaih lutuka inhungna siam leh dawr siam thahnem tak hnenah ziak a hriattirna pek nawn leh niin hunbi tiam chhunga hma la tura ngen nghal an ni.

NH 54 endik hna thawhnaah hian a veng neitu Local Council leh YMA hruaitu theuh ten an tawiawm a, DC Aizawl, PWD, I&PR leh Higway Protection squad ten ngawrh takin hna hi an kalpui a ni.