No.4775/2020-2021   

September ni 5, 2020: Vawiin khan COVID-19 hri vei hmuh chhuahna hmanrua Rapid Antigen Test Kit sing hnih (20,000) chu Mizoram a lo thlen belh. Heng test kits hi Chief Minister's Relief Fund atanga sum sanction hmanga lei a ni.

 

Thla hmasa August ni 22 khan COVID-19 enfiahna hmanrua hi 10,000 chah thlen a lo ni tawh a. Tunah hian RAgT Test Kit hi 20,000 dang a lo thlen belh leh ta a ni. 

 

Tun tuma Test Kit lo thleng hi thla kalta August ni 26 khan Delhi Mizoram House-ah dah fel vek a ni tawh a. A rang lama Mizoram rawn panpui tum a nih laiin West Bengal lamah Total Lockdown puan a lo nih tak si avangin tlemin a khawtlai phah ta hret a ni. Tuna RAgT lo thlen belh leh inkar chhung hian RAgT Test Kit hman kawngah indaihlohna leh chatlak engmah a awm hman lo tih Health Department thuneitute chuan an sawi a ni. Tunah hian dan pangngaiin COVID-19 endik hna pawh kalpui chhoh reng a ni bawk.