No.2206/2021-2022

Aizawl the 14th September, 2021 : Vawiin khan Women & Child Development te chuan Rashtriya Poshan Maah pualin ‘Live Demonstration of Nutrients Food for Anemia during Pregnancy’ hun Anganwadi Workers Training Centre ah an hmang.

He hun hi Pi Lallianpuii Director, Women & Child Development chuan kaihruaiin, tunkum Rashtriya Poshan Maah a kan theme chu ‘Converging Towards a Healthy Walk Through Life’ a nih thu a sawi a. Tunkum Rashtriya POSHAN Maah ah hian weekly theme hran hran kan neih ‘Weekly Activity Theme 1: Plantation Activity at Poshan Vatikas’, ‘Weekly Theme 2: Yoga & Ayush for Nutrition’, ‘Weekly Theme 3: Distribution of Regional Nutrition Kit to Anganwadi Beneficiries of High Burden District’ leh ‘Weekly Theme 4: Identification of SAM Children and Distribution of Nutritious Food’ te an nih thu leh line departments dang te nen tangho in theihtawp chhuah a kalpui mek a nihna ah lawmthu a sawi a, kan la hman zel turah te line departments te tawiawmna leh theihtawp chhuah turin lo thlirtu te a chah a ni.

He hun hi khuallian Pi Sangchhin Chinzah Secretary, Social Welfare Department, in hmanpuiin, nu kan nihna anga kan mawhphurhna pawimawhnate a sawi a. Kan fate kan enkawl dan atangin ram leh hnam tan mi tangkai kan chher chhuah theih thu leh an ei leh in thlenga nu mawhphurhna a nih thu a sawi. Heng bakah hian tunkum Rashtriya Poshan Maah hmannaah line department hran hran ten min phurpui a theihtawp min chhuahpuinaah lawmthu sawi telin kan la hman zel turah te theihtawp a min tawiawm turin a ngen bawk a ni. Kan Wadi Huan (Nutri-Garden) leh Naupang chaklo (SAM Children) kan tihte pawh thawktu zawng zawng ten hma theihtawpa lo la thar tur leh a hlawhtlin ngei theih nana theihtawp chhuah thar turin thawktu zawng zawngte a chah bawk.

Hemi bakah hian Pi Lalmalsawmi Nodal Officer Poshan Abhiyaan in Poshan Abhiyaan hma lo laktawhna leh an hma chhawp te report a pe a, Poshan Abhiyaan hi a bul tan tirh atanga hma lo latu zawng zawng te thawhrim na zarah a hlawhtlinna kan hmuh chhoh mek zel thu a sawi bakah tunkum Rashtriya Poshan Maah a kan activity calendar leh Poshan Abhiyaan State Innovation Plan chungchang sawizauna hun a hmang bawk a ni.

Pi Lalrammawii Kawilam, Principal Anganwadi Workers Training Centre in thu sawina hun hmang bawkin, ‘Live Demonstration on Nutrients Food for Anemia during Pregnancy’ kan hman chhan leh a pawimawhna te a sawi zau a. National Health Family Survey (NFHS)-4 leh NFHS -5 kan compare pawn Anemia leh Infant Mortality Rate te hi a tlahniam mek a, heng ah te hma kan sawn zel theih nan theihtawp chhuah tur leh kan ei leh te thlan thiam a pawimawh zia a sawi bawk.

He hunah hian Pi Zoramthangi Chhangte Joint Director Women & Child Development chuan Vote of Thanks sawi in inkhawm hi tihtawp a ni.

He ‘Live Demonstration on Nutrients Food for Anemia during Pregnancy’ hi Government Zirtiri Residential Science College te nen tangrual a neih a ni a, YouTube hmangin Mizoram hmun hrang hrangah Live chat hmangin zawhna te lak a ni a, zawhna te hi chhan nghal a ni bawk.