Food, Civil Supplies and Consumer Affairs Department chuan ration buhfai lak nana ePOSD khawl hman chungchanga a hnuai ami ang hian mipuite hriatzau atan hriattirna an chhuah.

1. Sawrkar laipui duh dan angin mumal tak, lang tlang leh felfai zawka buhfai sem anih theih nan Food Civil Supplies & Consumer Affairs Department chuan Mizoram ah ePoS khawl hmangin Retailer te hnen atangin buhfai sem a kal pui tan a. Hemi system hnuaiah hian Ration Card te mumal takin computer ah digitized vek ani a, Ration card a chuang mahse Aadhaar nena thlunzawm lo te chuan buhfai an la thei tawh lo anga. Midang Ration Card in buhfai a in lak sak theih tawh lo bawk ang. Engkim Computerized niin central server ah mumal takin ration lak theih zat leh pek dan record fel vek anih tawh dawn avangin buhfai bo thlau a awm tawh lo anga,buhfai dawngtu tur ngei in khawl hmanga dik taka buk zel an la tawh dawn ani.

2. ePoS khawl hmanga buhfai la thei tur hian khua leh tui dik tak,Ration card dik leh felfai ,Aadhaar Card nena thlun fel thlap neih a ngai.

(a) Retailer hnen atanga Buhfai la turin Ration Card number emaw Aadhaar number emaw hriat tur ani a. Chumi hmang chuan buhfai lak theih zat leh pawisa pek tur zat ePoS khawlah a lang dawn ani.

(b) Buhfai lak theih hunah Retailer hnenah chhungkaw zinga tu emaw ber chhungkaw Ration Card a chuang leh Aadhaar nena link ngei chauhin a la thei ang.

(c) Retailer chuan Ration Card number emaw Aadhaar number emaw ePoS khawlah chhu lutin buhfai la tu tur fiah nan a finger print khawl hmang hian a la anga,khawlin amah ngei ani tih a fiah tawh chuan ePoS khawlah hian buhfai lak theih zat leh a rate leh a man pek ngai zat tur te a lo lang vek ang.

(d) Buhfai la tur chuan a lak theih zat atang chuan a lak duh zat a sawi anga,chu chu ePoS khawl chuan a Khulna tur ngai zat pawisa nen a rawn ti lang nghal vek anga,hei hi ePoS khawl hian a print anga hemi hi Retailer in buhfai la tu hnenah a pe chhuak nghal ang.Buhfai a quota lak zawh loh balance pawh ePoS khawl hian hmuh theihin a chhinchhiah nghal vek bawk ani.

(e) Electronic Weighing Scale hmangin dik takin buhfai lak duh zat chu buk chhuah zel ani tawh ang. Electronic Weighing Scale hian 50 Kg chin thleng a buk thei ani.

3. ePoS hmanga ration la duh te chuan Aadhaar an nei vek tur ani a, Sawrkar Laipui atanga hriattirna angin 31-3-2020 hnu lamah chuan Aadhaar nei lo te tan ration qouta a lak theih tawh dawn loh avangin Aadhaar leh Ration Card thlunzawm vek tur ani.

4. Hemi chungchanga harsatna nei chuan bialtu DCSO emaw Directorate of Food Civil Supplies & Consumer Affairs Department Phone No. 0389-2310377/ 0389-2324340 atangin emaw a thlen thei a ni.