265/2025-2026
Aizawl the 22nd April, 2025 : A hnuaia tarlan ang hian FCS&CA chuan Ration buhfai sem chungchangah mipuite hriattur thuchhuah a siam:
Buhfai Ration sem chungchangah, Mizoram Sawrkar FCS&CA Department chuan mipui te hnena buhfai a sem thin hi thla tina hma lama sem turin theihtawp a chhuah zel a, April 2025 thla hian Buhfai lam in chhek khawl a that viau laiin Ration sem a tlai ta deuh a, a chhan mipui ten min lo hriatpui turin kan duh a, chhungte chu:-
- Thlatina Ration sem na tur hian Software 3 (Pathum) hman thin a ni chhungte chu RCMS, FEAST leh AePDS te an ni.
- Tuna Central Sawrkar project kalpui ah hian heng Software 3 te hi hlawm khata siam turn a ni. SMART-PDS ti a vuah a ni tawh dawn a.
- SMART-PDS application hi la tih fel chiah a la ni lova, software hman lai RCMS (ration card siamna) ber phei chu Central Sawrkar lamin a la thla tawh a, a thar a la launch bawk silova, tunlai hian ration card pawh siam theih a ni lo a ni.
- Ration semna ber AePDS pawh hi hmang tawh lo turin Central Sawrkar chuan State Sawrkar a hrilh a, amaherawhchu SMART-PDS hnuaia ration semna bik hi peih fel a la ni bawk si lova, State Sawrkar in peih fel mai tura ngaiin, a ngaichang a, thla chanve a tlin hnuah pawh peih fel a la nih tak si lovah chuan AePDS ngai bawk chu hman leh rih dil a ni.
- Dt.19.04.2025 (Inrinni) khan NIC HQ lam nen in dawr niin, an ni hian AePDS hmanlai/hlui chu an rawn tinung (ON) leh ta a.
- Vawiin dt.21.04.2025 (Thawhtanni) atang hian ration sem tan tur a ni. Mipui hriatthiamna kan ngen e.
Issued by
Department of Food, Civil Supplies & Consumer Affairs Government of Mizoram
