No.2884/2020-2020

Aizawl the 8th July, 2020: COVID-19 hrileng avanga harsatna tamtak karah tunlai a Ration Card leh Aadhar thlunzawm leh a kaihhnawih chungchangah mipuite tana awlsam zawkna leh remchan zawk na turin a hnuaia tarlan ang hian DCSO kaltlangin district tinah hmalak a ni ang:

1. District thenkhatin Andhaar leh Ration Card thlunzawm nan leh documents pawimawh thehluh nana huntiam an lo siam tawh chu September ni 30, 2020 thleng pawhsei a ni a. Hei hi COVID-19 hrileng boruak a zirin la pawhsei leh theih tura ruahman a ni bawk.

2. Central Sawrkar in 'One Nation One Ration Card' (National Portability) a kalpui mek tihhlawhtlinna tur atan Aadhar leh Ration Card thlunzawm ngei a ngaih si avangin tun dinhmunah chuan NFSA beneficiary - AAY leh PHH (Ration Card Eng leh Hring neite) te hi tih hmasak leh ngaihpawimawh tur an ni.

3. He scheme tihhlawhtlin a nih theih nan Non-NFSA beneficiary (Ration Card Var nei) te pawh Intra-State Portability (Mizoram chhung bik a inthlunzawmna) hman a la ngaih tho dawn avangin Aadhar leh Ration Card thlunzawm ngei a ngai tho dawn a ni. Amaherawhchu tunlai hrileng avangin hmanhmawh lutuk theih anih loh avang leh felfai zawk a hmalak a nih theih nan a hun tur hi in hriattir leh a ni ang.

4. Tuna hmalakna kal mek tawhah erawh chuan documents thehluh tur ang angte erawh a pangngaiin kal chhunzawm pui a ni ang a. Tunlai hrileng laka mipui himna tur ngaihtuah reng chungin, COVID-19 avanga sawrkarin inkaihhruaina Standard Operating Procedure (SOP) bawhchhe lo tura ruahmanna tha tak siam a ni bawk ang.