Kum 2007-2008 a hma lak tan, Rawpuichhip Water Supply Scheme chu zawh fel niin nimin January 22 khan PHE Minister Pu S. Hiato-an a hawng.
Rawpuichhip khaw chawm tur Water supply scheme siamna tur hian a tira sum senral tur ruahman zat chu Rs.88,72,000 niin kum thum chhung thawh a nih hnuah Rs.88,70,488 hmanga zawh fel a ni.
PHE Minister chuan Rawpuichhip khaw chhung atanga 2.5KM vela hla Pump House ah Water Supply Scheme hi a hawn zawhin Rawpuichhip Community Hall-ah hawnna inkhawm neih a ni a. Thu sawiin Pu Hiato chuan khawvel pumah tui mamawhna a san zel rualin tui hna a vang tial tial a. Tuihna te a kang mai loh nan ramngaw humhalh a pawimawh tak zet a ni, a ti a. Tui lak tur zawn hna leh nitin mipui mamawh zat tui pe chhuak tura tan lak chu sorkar hna pawimawh ber pakhat a ni tih sawiin Pu Hiato chuan hemi hlen chhuak tura scheme hrang hrang thawh mek te a tarlang a. Sum ruahman aia tlema Rawpuichhip water supply scheme thawh zawh a ni chu lawmawm a tih thu sawiin mipui ten tui an hmuh dan chu hre reng a, an tui lakna hmanraw hrang hrang te chu duat taka enkawl tur leh rualkhai taka mipui hnena tui sem a nih theih nan khawtlang hruaitute, tlawmngai pawl leh khaw mipuite chu tha taka department hnathawktute tawiawm turin a chah bawk a ni.
Rawpuichhip Water Supply Scheme hawnna ah hian Pu John Rotluangliana, Deputy Speaker leh Pu H.Zothangliana Parliamentary Secretary te chuan PHE Minister hi tawiawmin hawnna inkhawma Khualzahawm an ni a. Thu sawiin Pu John Rotluangliana chuan Water Supply Scheme bul lo tantute leh he hna chhunzawm a, peih fel a nih thlenga thawktute chungah a bial mipuite aiawhin lawmthu a sawi a. NLUP chungchang sawiin Pu John-a chuan a dawng turte hnathawh tur thlan chungchangah fimkhur a tul thu a sawi a. Kut hnathawktu ten lo neih bansan a, eizawnna ngelnghet an neihna tur atan duan a nih laia, lo neih sira hne tepeng pakhat leka hman an tum chuan he policy thil tum nen a inmil dawn lo tih a sawi a. Sorkar-in mi retheite khaichhuah nan leh ram siam nana ruahmanna a neih chu NLUP dawng tur ten mahni dinhmun insiam nan tih takzeta hman tangkai tum turin a chah a ni.
Parliamentary Secretary Pu H.Zothangliana pawhin thu sawiin Rawpuichhip khua chu bialtu MLA zarah khaw vannei an ni tih sawiin an water supply scheme humhalhna kawngah khaw mipui te chuan mawhphurhna sang tak an nei a ni, a ti.
Rawpuichhip Water Supply Scheme atan hian Tuisiam hnar atangin pump 2 hmanga tui lak a ni a. Public point 15 ah tui hi sem chhuah tura ruahman niin T-Cluster 36 dah a ni bawk. Hawnna inkhawm hi Er.C.Lalremsiama Jt.Secretary (T) PHE chuan a kaihruai a. Scheme enkawltu Er.Lalropuia Hmar, EE, PHE-in technical report pein Rawpuichhip khaw mipui aiawhin Pu Rohmingthanga VCP in thu a sawi bawk a. Er.Lalmuanzova, S.E(R) PHE in lawmthu sawiin hun hnung a khar a ni.
PHE Minister chuan Rawpuichhip khaw chhung atanga 2.5KM vela hla Pump House ah Water Supply Scheme hi a hawn zawhin Rawpuichhip Community Hall-ah hawnna inkhawm neih a ni a. Thu sawiin Pu Hiato chuan khawvel pumah tui mamawhna a san zel rualin tui hna a vang tial tial a. Tuihna te a kang mai loh nan ramngaw humhalh a pawimawh tak zet a ni, a ti a. Tui lak tur zawn hna leh nitin mipui mamawh zat tui pe chhuak tura tan lak chu sorkar hna pawimawh ber pakhat a ni tih sawiin Pu Hiato chuan hemi hlen chhuak tura scheme hrang hrang thawh mek te a tarlang a. Sum ruahman aia tlema Rawpuichhip water supply scheme thawh zawh a ni chu lawmawm a tih thu sawiin mipui ten tui an hmuh dan chu hre reng a, an tui lakna hmanraw hrang hrang te chu duat taka enkawl tur leh rualkhai taka mipui hnena tui sem a nih theih nan khawtlang hruaitute, tlawmngai pawl leh khaw mipuite chu tha taka department hnathawktute tawiawm turin a chah bawk a ni.
Rawpuichhip Water Supply Scheme hawnna ah hian Pu John Rotluangliana, Deputy Speaker leh Pu H.Zothangliana Parliamentary Secretary te chuan PHE Minister hi tawiawmin hawnna inkhawma Khualzahawm an ni a. Thu sawiin Pu John Rotluangliana chuan Water Supply Scheme bul lo tantute leh he hna chhunzawm a, peih fel a nih thlenga thawktute chungah a bial mipuite aiawhin lawmthu a sawi a. NLUP chungchang sawiin Pu John-a chuan a dawng turte hnathawh tur thlan chungchangah fimkhur a tul thu a sawi a. Kut hnathawktu ten lo neih bansan a, eizawnna ngelnghet an neihna tur atan duan a nih laia, lo neih sira hne tepeng pakhat leka hman an tum chuan he policy thil tum nen a inmil dawn lo tih a sawi a. Sorkar-in mi retheite khaichhuah nan leh ram siam nana ruahmanna a neih chu NLUP dawng tur ten mahni dinhmun insiam nan tih takzeta hman tangkai tum turin a chah a ni.
Parliamentary Secretary Pu H.Zothangliana pawhin thu sawiin Rawpuichhip khua chu bialtu MLA zarah khaw vannei an ni tih sawiin an water supply scheme humhalhna kawngah khaw mipui te chuan mawhphurhna sang tak an nei a ni, a ti.
Rawpuichhip Water Supply Scheme atan hian Tuisiam hnar atangin pump 2 hmanga tui lak a ni a. Public point 15 ah tui hi sem chhuah tura ruahman niin T-Cluster 36 dah a ni bawk. Hawnna inkhawm hi Er.C.Lalremsiama Jt.Secretary (T) PHE chuan a kaihruai a. Scheme enkawltu Er.Lalropuia Hmar, EE, PHE-in technical report pein Rawpuichhip khaw mipui aiawhin Pu Rohmingthanga VCP in thu a sawi bawk a. Er.Lalmuanzova, S.E(R) PHE in lawmthu sawiin hun hnung a khar a ni.
Attachment
- Loading attachment...
