1915/2025-2026

Aizawl, August ni 29, 2025: Rural Development Department chuan vawiin khan an RD Directorate Conference Hall-ah T. Romana College a Department of Sociology Final Year zirlaite tan Rural Development hnuaia hmalakna hrang hrang inhrilhriatna hun an buatsaih a. RD Minister Prof. Lalnilawma chuan he hun hi khuallian niin a hmanpui a ni.

Thu sawiin RD Minister chuan zirlaite’nan subject zirlai piah lama khawtlang mipui tana sorkar in a hma a lak mek te chiang zawka hre tura ruahmanna a awm chu lawmawm a ti a. College zirlai te’n a thawk mekte hnen atanga chiang zawka ngaithla a, chumi hnu ah field visit te nei a chik zawka heng hmalaknate an zir tur chuan rah tha a chhuah ngei a beisei thu a sawi. Minister chuan ram hmasawnna leh mipui khawsak chawikang tura Sorkarin hmalakna (scheme) hrang hrang a kalpui te leh an pawimawhna te a sawifiah a. Ni za hlawhna kan tih MGNREGS te chu mipui tan inhlahna siam satliah mia nilovin, a tum lian zawk chu khawtlang tan a tangkai rotling ‘assset’ siam a nih thu te, watershed area development hnuaia ruahtui khawl hmalakna pawh tha tak tak a awm thu te, thalai te tan a hna zawnsak lamah te scheme hrang hrang hnuaia hmalakna tam tak te a sawilang a. Heng hmalakna te hi pawn atanga thlir ai chuan luh chilh in a hlawhtlinna hrang hrangte chiang zawka an hmuh tur thu leh, an zirchhuah ngei a duh sak thu a sawi.

Awareness Programme buatsaih hi Pu K. Lalrohlua, RD Dept Director in kaihruaiin, Pu C. Laldinsanga, Associate Professor, Govt. T. Romana College atangin thusawi tawi ngaihthlak a ni bawk.

He Programme ah hian MGNREGS, MzSRLM, Social Audit Unit, BADP/SASCI/RMIS te, WDC-PMKST 2.0 leh PMAY-G/ SAGY chungchang inzirtirna neih a ni.