No.623/2021-2022

Aizawl, 21^st May, 2021 : Vawiin chawhnu khan Rural Development Minister Pu Lalruatkima chuan District leh RD Block hrang hranga thawktu officialte te virtual meeting a neihpui a. He hunah hian District hrang hranga RD Departmentofficial sawm bikte an tel kim a, District hrang hranga harsatna an neih leh hmalak tulna te bakah rawtna awmte sawiho a ni.

He meeting ah hian Ni 100 inhlawhna District hrang hrang leh RD Block hrang hrang ten an kalpui dan thlirho a ni a. MGNREGS ah May leh June, 2021 a thawh dan tur leh hmalak dan tur sawiho niin, MGNREGS hnuaia tuichhe paihna siamthat leh changkang leh awmze nei zawk tuichhe paih kalpui dan tur pawh presentation nena enho leh sawiho niin, State dang tih dante zir  a ni  bawk. Minister chuan a tul anga hma lak a duhthu sawiin, faina chungchangah pawh Mizo mipuiten  hmasawnna tam tak kan nei zel te hi lawmawm a tih thu a sawi bawk a ni.

District hrang hranga ruahtui khawl (Jal Shakti Abhiyan - Catch the Rain) pawimawhzia inzirtirna leh hmalak dan report ngaihthlak a ni a, hmalak a tulna te leh hmalak zel dan tur pawh sawiho a ni bawk .

MGNREGS hnuaia Amrit Mahotsav Weekly Activities, India ramin Independent a hmuh champha vawi 75-na denchhena Kum 2022 thleng kar khat zela hmalakna tur Central sawrkarin a rawn duan hrang hrang te a RD Department hma lak dan sawiho a ni bawk.

He meeting ah hian RD Department leh Department dang ten thawhhona an neih (Convergence) hmalakna hrang hrang pawh sawiho leh enho a ni a,  a theih anga chaka hmalak a tul thu leh ruahmanna siam ang ang te a tul anga bawhzui nghal char char a ngaih thu sawi a ni. He Convergence-ah hian department hrang hrang telin, chung zingah chuan PHE, Agriculture, Horticulture, AH&Vety Department te pawh an tel a ni.

He meetingah hian District hrang hrangin harsatna an neih leh hmalakna atana tul leh pawimawh an tihte sawiho a ni. RD Minister chuan Department official theihtawp chhuahtute chungah lawmthu a sawi a, kan ramin COVID-19 avanga harsatna nasa tak kan tawh lai mek a theihtawp an chhuah avanga thingtlang lam pawhin inhlawhna an hmu leh thei chu lawmawm a tih thu sawiin, hmalam hun atan pawh nasa zawka inbuatsaih tura officialte hi chahin, fur lo thleng tur pawhin harsatna a thlen lohna tur leh chhuanchham kan awm lohna tur atana theihtawp chhuaha ruahmanna siam turin RD Department a Official te a chah bawk a ni.

He Virtual Meeting ah hian RD Secretary, Joint Secretary, Under Secretary, Project Director 11 leh RD Block hrang hrang aiawhte an tel a ni