No.6713/2020-2021 

Siaha; November ni 30: Vawiin tlai khan RD Minister Pu Lalruatkima chuan DRDA office a  tlawh a, Pu B.Lalchhawntluanga,PD, DRDA leh a staff ten lo dawngsawngin;  DRDA office a fankual hnuah District Rural Resources Centre-ah inkawmhona hun an hmang zui nghal a ni.  He inkawmhona hunah hian  PD leh DRDA office-a  a subordinate officer te  leh BDO,Siaha RD Block  ten an hmalak tawhna leh an hmachhawp hrang hrang te report pein, an harsatna hrang hrang te pawh Minister hnenah hian an thlen bawk a ni.

 DRDA staff te chuan Pu Ruatkima hnenah  Mizoram RD staff 92 te absorption chungchangah chak taka hma la a, hmawr a bawk tep tawh avangin lawmthu an sawi mawlh mawlh bawk a ni.

Pu Ruatkima chuan  Covid-19 avang hian urban leh rural economy a nghawng nasa a, a bik takin  chhungkaw pachhe zawk leh harsa zawk  ten an tuarna bik a ni. Hetiang a ni mek laia MGNREGS hnuaia inhlawhna a han awm thin te hian chhungkaw tam tak harsatna a tizia awm hle a ni. He mi tihhlawh tlingtu te chu   DRDA staff te hi in ni, tiin lawmthu  a hrilh hlawm a ni. Minister chuan Covid-19 hrileng mek kara thingtlang khaw lama  harsatna sutkian paha hmasawnna rahbi tuktu dept in nih hre rengin;taima tak leh thahnem ngai taka thawk chhunzawm zel turin ka ngen che u a ni, a ti bawk.He inkawmhona an neih zawh hian Minister chuan Lawngtlai panin, Siaha a chhuahsan nghal a ni.