1075/2026-2027

19th June, 2026: Rural Development and Administration Department changtu Minister Prof.Lalnilawma hovin vawiin khan a pisaah 16th Finance Commission sum hmang a Village Council ten thingtlang tihhmasawnna tur (16th Finance Commission Grand to Rural Local Bodies in Mizoram) kalpui dan tur chungchangah ruahmanna an siam a, inrawnkhawmna hun an hmang.

Minister chuan 15th Finance Commission sum luangral (lapse) lova kan hai chhuak thei vek hi a lawmawm a, hei hi Pathian malsawmna leh thawhhona tha vang a ni, a ti. 15th Finance Commission sum hai chhuak tura theih tawp chhuahtu kan Sawrkar official te hnenah lawmthu a sawi a. 16th Finance Commission sum pawh a hun taka hai chhuak thei turin tun atangin inbuatsaih that a pawimawh a, chumi atan chuan thawh hona tha, thahnemngaihna leh inpekna a pawimawh a ni, Prof Lalnilawma chuan a ti. Thawh hona tha kan neih chuan engmah hi huphurhawm a awm lo tih sawiin nasa zawka inpekna thar nei turin thawktute a chah a. Anmahni mawhphurhna leh buaipui lam apiangah theihtawp an chhuah ang a, harsatna an tawk a nih pawhin inhrilh hre zung zung tura fuihin, a sut kian dan an zawn zel tur thu a sawi a ni.

He meeting-ah hian Rural Development & Administration Department, Finance Department, LAD Directorate, PHE Dept, Directorate of Local Fund Audit& Pension, Social Audit Unit Official te leh All Mizoram Village Council Association hruaitute an tel a ni.