Tripura Reang ( Bru) camp 6 atanga Mizoram khua leh tui Mizoram a hruaikir thawh 9 na (9 batch repatriation) Ni 3 Oct atanga thawh tan-ah Mizoram rawn let Mamit District chhung khua Tuidam leh Bawrai Temporary Shelter-a khawsa mek  chhungkaw 7  te chu Nimin khan Dr Lalrozama Mamit District Bawrhsap chuan an khawsakna hmunah kalchilhin tanpuina dawn tur hmasa pawisa fai hlanna a nei.

Dr Lalrozama hian Tuidam Temporary Shelter-a khawsa mek chhungkaw pakhat leh Bawrai khua rawn let chhungkaw parukte tan hian, Insakna tur 1st Instalment Rs 25000/- thlatina an dawn tur Rs 5000/- leh Free Ration atan naupang leh puitling awmdan milin hlan an ni. Free Ration an dawnna tur Ration Card hlan nghal an ni bawk.

District Bawrhsap chuan Mizoram khua leh tui hruailet hna kalpui meka rawn lette chu thinlung taka an lo lawm thu sawiin harsatna leh buaina an neihah an bialtu Administration Officer te leh khawthlang hruaitute chu  be rawn hrehlo tura chahin an pawisa dawnte chu a nihna tur taka hmang turin a chah bawk a ni.

Tarlan tawh angin Mizoram mi leh sa hruaikir hna ni 3 October-a tanga thawh tan a ni.

Dr Lalrozama District Bawrhsap hi Pu Lalrinpuia, Addl SP Mamit leh Pu Lalrinpuia Nodal Officer Bru Repatriation te'n an tawiawm a ni.