Planning Commission, Govt. of India bultuma Regional Consultation Meeting Guwahati a ni 4-5 July 2011 a neih turah Mizoram sorkarin rawtna a thehluh turte ngaihtuahin vawiin khan Chief Minister Pu Lal Thanhawla hovin a office conference hall-ah meeting an nei.

Planning Commissiona Mizoram sorkarin thil pawimawh thehluh tura an rel zingah hian Mizoram chu hmun pawimawh tak,strategic locationa awm anihna hi sorkarin hmang tangkai turin hmasawnna ruhrel, infrastructure, inkalpawhna kawngpui, thlawhna leh rel lamah hmasawnna nasa taka hmala tura hrilh te, thalai lehkhathiam hna hmulo te tan 12th Five Year Plan (2012-2017) chhunga nasa taka eizawnna hna nghet siam te, Agriculture ah hlawk zawka buh leh bal tharna tur irrigation lamte ngai pawimawh leh University leh zirna ina mithiamte tan special incentive ngaihtuah sak te an rel a ni.

Meetingah hian Home Minister, Finance Minister, Planning Board member leh official te, Finance department-a officers te leh Mizoram University Professors te an tel a ni.