Vawiin chawhnu khan Remna Ni Lawmna Organising Committee chuan YMA Conference Hall-ah a huhoa Remna Ni Pearl Jubilee hman dan tur an rel.

Meeting hi Organising Committee Chairman leh Sub-Headquarters ni bawk President Pu R. Lalnunthara chuan kaihruaiin Committee Secretary leh Sub-Headquarters Secretary ni bawk Pu K. Lalfakzuala’n CYMA-in Remna Ni hmang tura kaihhruaina tlangpui a siamte a tarlang a. Thuamluaia Mual ah programme chu hmangin Khuallian atan Rev. Dr. C.L. Hminga chu Committee chuan sawm nise a ti a. Flag pawhparh leh thuchham rual nise a ti. Organising Committee chuan Remna Ni atana sum mamawh hmuh theih dan tur te sawiho in, Organising Committee Office Bearers Adhoc Body a ruat nghal a. A thurel tawhte bawhzuina chu a khat tawk a ennawn nise a ti bawk.

Meeting-ah hian sawrkar department thenkhat, tlawngai pawl leh kohhran aiawhte an tel a ni.