Vawiin chawhma dar 11 : 00 khan D.C’s Conference Room, Saiha-ah nakum 2016 a India Republic Day lawm dan tur chungchang ngaihtuah in District Bawrhsap Pu R.Zarzosanga hovin Saiha District chhunga Department hrang hrang hotuten meeting an nei.

Meeting chuan Republic Day, 2016 chu District Playground ah zing dar 10:30 Am -ah ropui leh urhsun taka hman nise a ti a. Khuallian atan Mizoram Sawrkarin ruat a neih loh chuan District Bawrhsap chu hman mai nise ti a rel a. Parade Contingents te hi Chi hnih heng Uniform Contingents leh School Contingents ah te then nise tih a rel bakah Lawmman Pakhatna atanga Pathumna thleng siam sak nise Contingents zawng zawng te Consulation Prize pek vek nise tih a rel bawk. He Ni lawmna chikhat atan Sawrkar Department te an hna thawh pholang thei tur Tableu entir tura ngen nise, Assam Riffles te pawh an Ralthuam te mipui hmuh a pholang tura ngen nise tih a rel bakah he Ni lawmna atan Sports Item te neih nise tih arel bakah S.P., Saiha chu Essay Competition buatsaih tura tih a ni. Chawhnu dar 1:00 Pm ah D.C’s Bangla-ah sawm bikte pualin Thingpui inhona buatsaih nise, NLUP Line Department hrang hrang te chu Field bang chei thar tura ngen nise tih rel a ni bawk.

Meeting ah hian Krismass leh Kumthar vuakveta mipuiten him taka hun an hman theihna tura Security Arrangement a siam dante Pu SD Mishra IPS, S.P., Saiha chuan Report a pe a, Department hrang hrang te chu he Ni lawmna tura thawhlawm te thawh tura ngen nise tih rel a ni bawk. Meeting ah hian Department hrang hrang hotute, Tlawmngai Pawl hrang hrang hruaitute leh Chanchinthar thehdarh tute an tel kim hle a ni.