Republic Day, 2016 lawm nan liau liau Project Pushpak, Mizoram chuan Mini Marathon a buatsaih dawn a. 23rd January, 2016 zing dar 7:00 ah AR Ground atanga tlanchhuah tan a ni ang a, heta tel tumte chu zing dar 6:00 ah thlen vek tur a ni.

Hemi ni Marathon ah hian naupang leh puitling a duh apiang tan tel theih a ni ang a, kum 14 atanga 18 tan leh kum 18 chunglam tak lawmman tha tak siam a ni a. Lawmman chu Rs. 3000/-; Rs. 2000/- leh Rs. 1000/- te a siam in consolation prize siam a ni bawk a. A tel zawng zawngte chu T Shirt leh ei leh in pek vek an ni ang. AR Ground ah vek hian tlan lut leh in a hmawr bawkna neih tur a ni a, lawmman semna te neih a ni nghal ang.

He Mini Marathon ( 5 Kms.) tlan kawng tur chu - AR Ground - Raj Bhavan - Sikulpuikawn junction –Peter Street - Khatla kawn - Chawnga Road - Nursery veng road - Bungkawn – Police Hq. - Khatla kawn - Temple Sq. - Zodin Sq. atangin AR Ground ah tlanluh leh tur a ni.

He Republic Day Mini Marathon ah hian ram tana tlan ve ngei turin mi tupawh sawm an ni.