Vawiin khan Aizawl D.C. Pu Kannan Gopinathan, IAS hovin a pisaah sawrkar mi pawimawhten Republic Day 2017 lawm dan tur an rel.

Republic Day-ah hian sawrkar leh private building-ah zing ni chhuah rualin hnam puanzar pawhpharh a ni ang a. Sakhaw hrang hrangte chu ram himna leh inlungrualna atan tawngtaina nei tura ngen an ni ang. Kum dang ang bawkin Zing dar 9 ah Mizoram Governor in Aizawl Sipai Lammualah hnam puanzar a pawtpharh ang a. Parade Contingent hrang hrang ten January ni 17 atanga January 23 thleng lam an zir ang a, January 24 ah Sipai Lammualah Final Rehearsal neih a ni ang.

School contingent tel tur zawng zawngte hi Republic Day hma in medical check-up uluk taka neih pui tum an ni a, ei leh in tur pawh mumal zawka pek tum an ni. Republic Day hi hlawhtling taka lawm a nih theih nan a kaihhnawih department hrang hrangte mawhphurhna semzai a ni bawk.