Vawiin khan 68th India Republic Day, 2017 Celebration Technical Committee, Mamit chu an Chairman Addl DC Pu H. Lianzela, hovin a office Chamber ah an thukhawm.
Meeting hian Republic Day 2017, hlawhtling taka hman a nih theih nan hmalakna hrang hrang te thlir ho a ni a, Department chanvo hrang hrangte thlir ho nghal a ni bawk, Republic Day hmanna tura ruahmanna awmsa GSA Playground Pavilion tihzauh hna chu zawhfel hman a ni ang.
India Republic Day, 2017 lawmna hi tarlan tawh angin Mamit GSA Playground ah zing dar 11:00 a tan tur a ni a, hetah hian Mamit khawpui chhunga Sawrkar hnathawkte chu kal ngei tur leh mipui a tam thei ang ber kal turin Committee hian a sawm a ni. Republic Day lawmna atan hian Mamit khawpui a a vawikhatna atan Tableau siam ni se tih a ni a, hetah hian Department hrang hrangte chuan an hmalakna leh hmasawnna hrang hrang mipui hmuh theih turin an phochhuak dawn a ni.
Meeting ah hian Technical Committee member te an tel tha hle.
