3333/2022-2023

Aizawl, the 24th January 2022 : Republic Day, 2023 chu India ram hmun dang ang bawkin ni 26th January, 2022 (Ningani) hian Mizoram hmun hrang hrangah hman tum a ni a. Aizawl-ah chuan a hnuai a mi ang hian programme duan fel a ni.

Zing ni chhuah rualin Sorkar building leh mimal inah te Hnampuan zar a ni ang a. Sakhaw hrang hrang hnenah India ram leh mipuite tana tawngtai sak tura ngen a ni.

Zing dar 7:58 ah Aizawl Republic Day Programme hmanna tur pui ber A.R Ground-ah Khuallian tur Mizoram Larsap Dr. Hari Babu Kambhampati a thleng ang a, Hnam Puanzar a pawhparh hnuah Republic Day thuchah a sawi nghal ang a. National/State Awards, Mizoram Cleanliness Competition 2022 lawmman leh lawmman dangte sem a ni ang.

A.R.Ground-a Republic Day lawmna hi LPS leh Zonet Cable TV chuan 'live' in an pechhuak dawn a, AIR Aizawl pawhin ‘live’ commentary an ti dawn bawk a ni.

Republic Day, 2023 lawmnaa tel tur hian mipui a duh apiang sawm an ni.