3903/2024-2025

Siaha the 22nd January 2025: Vawiin khan DC Mini Conference Hall, Siaha-ah District Bawrhsap Pu VL Hruaizela Khiangte kaihhruainain kumin Republic Day lawmna tura mawhphurhna leh chanvo nei te inpuahchahna leh an hmalak tawhnate thlirhona neih a ni.

District Bawrhsap Pu VL Hruaizela Khiangte chuan vawiin meeting chu January Ni 13, 2025 a Republic Day chungchang rel thutkhawmin a lo rel tawh bawhzuina a nih thu a sawi a, ‘India khua leh tui Kan nihna angin Republic Day chu ngai pawimawh theuh ila, a champha phak lawm chu mitin mawhphurhna (duty) a ni’ a ti. Department leh pawl hrang hrang kova mawhphurhna an nghahte chu tihlawhtling theuh turin a ngen a, Republic Day lawmna-ah sawrkar hnathawkte leh mipuite a tam thei ang bera tel theuh turin a sawm bawk a ni.

Republic Day 2025 lawmna chu SDFA ground, Meisatla-ah January ni 26, 2025 (Sunday) zing dar 7:30 ah hman a ni dawn a, Khuallianah Siaha District Bawrhsap ruat niin chhun Dar 12 ah circuit house ah At Home buatsaih a ni thung ang. Republic Day 2025 hmanna tur pual hian Department hrang hrangte chuan pawisa an thawhkhawm a, heng an thawhkhawm hmang hian Volleyball leh Badminton tournament buatsaih a nih bakah District Jail, District Hospital, Maraland Gospel Centenary Hospital, Grace Children’s Home, Siaha Child Adoption centre, Salvation Boys Home, Observation Home, Calvary Healing Home, Agape Home, Charity Home Saikao te leh Mary Heichia School Zyhno ah te thilpek hlan a ni dawn bawk. Republic Day lawmna turah hian Parade contingents 20 an awm dawn a, school contingents 14, unarmed contingents- 4 leh armed contingents 2 an awm bawk dawn a ni.

Siaha District DC Pu VL Hruaizela Khiangte bakah District Superintendent of Police Pu Manny Bhushan Singh (IPS), Pu Abraham Beirazi Khithie, Addl DC, Pu M Misael, Project Director, DRDO, Pu Vanlalchhuanliana, SDO (S), Pu Beimosia Lapi, Addl SP, Pu Thomas Maratha Hlychho, SDC te bakah MADC a hotute leh Mizoram sawrkar hnuaia department hrang hrang hotute an tel a ni. ‎