Thian duh takte u,
Vawiin India Republic Day vawi 76-na lawm tura lokalte leh Mamit District mipui zawng zawngte chibai ka buk a che u.
India ramin mahni kea ding tura zalenna a neihna ni champha phakah hian mitin intluktlanna, zalenna, inunauna leh inpumkhatna ram ni tura ram danpui lo duangchhuaktu ram hruaitu hmasate kha hrerengin kan rilruin zahna chibai i buk ang u. Kan ram rorelna kalphung leh a hlutnate humhim tur leh tichak turin, inpekna rilru thar nen hmalam i thlir ang u.
He ni pawimawh bikah hian kan District pawhin hmasawnna hmel thar kan hmuh mekte leh Mamit District chhunga hmasawnna hnathawh leh hmathlir tlangpuite han tarlang ila:-
1. HEALTH & FAMILY WELFARE DEPARTMENT
CHIEF MEDICAL OFFICER MAMIT
Mamit district chuan hriselna kawngah hma a sawn ve zel a. District Hospital, bakah PHC pasarih (7) te chu National Quality Assurance Standard certified ni tawhin CHC leh PHC dang te pawh NQAS certification an neih theih nan hmalakna kalpui mek an ni.
Mamit District chhungah Sub-centre 39 zinga 31 te chu Health & Wellness Centre a hlan kai an ni tawh a ni.
National TB Elimination Programme hnuaiah TB vei mi 50 enkawl tawh an ni a. Mi harsa zual tan, mi inphal te kaltlangin nutritional support (Nikshay Mitra) hi thla tin pek thin a ni.
Mobile Medical Unit (MMU) ten khaw 30 chuang tlawhin mi 3212 inentir an awm a. RBSK team ten School 109 leh Anganwadi Centre 90 an tlawh bawk.
Malaria positive 860 - malaria Pf vei mi 269 leh malaria PV vei mi 592 hmuhchhuah an ni.
Kum 2025-26 chhung hian nu naupai 888 zinga 684 te chu 1st ANC-a in register an ni. Damdawiin leh Sub-Centre-a nau piang 387 leh In lama nau piang 155 an awm.
2. DISTRICT MEDICAL SUPERINTENDENT
District Hospital, Mamit a Department paruk (6) - Accident & Emergency, Labour Room, Pediatric Ward, Laboratory, Radiology leh Blood Bank te’n May, 2025 thlaa National Quality Assurance Standard (NQAS) hnuaia “National Quality Certification” an dawng hi a lawmawm takzet a ni.
NHM-PMSMA hnuaiah thla tin ni 9-na zela naupaite tana free investigation tihsak thin chu, Mamit District Hospital ah chuan Mother and Child Protection (MCP) Card nei tan chuan an naupai chhung a thlawnin thisen test sak thin an ni. Naupai te’n Sub-Centre-ah MCP Card nei turin registration/check up tih nachang an hre hmain an neih that phah hle.
Mizoram Universal Healthcare Scheme (MUHCS) hnuaiah damlo admit zawng zawng (62%) te’n a thlawnin in enkawlna an dawng a ni.
3. EDUCATION DEPARTMENT
SASCI (2024-25) hnuaiah Rs 3,86,56,936/- man teachers’ quarters pariat (8) sak mek a ni a.
State Disaster Response Fund atangin Rs 20,00,000 /--in School 10 (Sawm) sak that a ni a. Cyclone Remal tuar schoolte chhawmdawlna Rs. 39,10,000/- hmangin school 42 sak that a ni bawk. Rs 14,58,000/- dangin school leh office 27 sak that a ni bawk.
Mizoram Secondary School Games 2025 a neih zawh takah Mamit District atangin kan naupangte’n Athletics ah Gold 2 (Pahnih), Javelin ah Silver 1 (pakhat), Inkawibah, Shotput, Football leh Taekwando ah Bronze 4 (Pali) an hlawh chhuak.
Sawrkar hnuaia elementary school zawng zawngah Mid-Day Meal (PM Poshan) hi school hawn ni apiangin pek vek an ni a. An zirlaibu hi a thlawna sem vek an ni bawk.
4. DISTRICT RURAL DEVELOPMENT OFFICE
MGNREGS: MGNREGA hnuaiah hian Job Card 24794 te tan Ni 88 inhlawhna siamsak tawh a ni.
WDC- PMKSY 2.O : WDC-PMKSY 2.O scheme Mamit district hnuaiah hian kum 2025-2026 chhungin ram hectare 284 ah horticulture hmalakna atan kuhva, rubber leh sum chang thlai dangte kalpui mek a ni a. Soil & Moisture conservation component hnuaiah ram hectare 75 chhungah trenching, terrace leh vegetative structure hmangtea hmalak mek a ni bawk. Tuihna 111 zirchian tawh niin tuihna 62 te chu hlawhtling taka tihpun tawh a ni.
PMAY(G) : Mi 745 hnenah in sak tanpui nan Rs.2,04,23,000/- (Cheng Nuai Zahnih leh pali singhnih sangthum) pek chhuah a ni.
DDU_GKU : DDUGKY (Deen Dayal Upadhyaya Grameen Kaushalya Yojana) National Rural Livelihoods Mission (NRLM) hnuaiah thingtlang lama thalai kum 18-35 inkarte mahni thiam thila ei zawng thei tura training mi 27 hnenah pek a ni.
MZSRLM : Mizoram State Rural Livelihoods Mission hnuaiah hian Mamit district R.D. Block pali ah Self Help Group 1183, Village Organization 83 leh Cluster Level Federation 11 din a ni tawh a. SHG member-te chu bank account hawn, loan lak leh insurance-ah te puiin an dinchhuahna tur eizawnna bul tanpui an ni.
RSETI : Rural Self Employment Training Institute kaltlangin, thingtlang thalaite khaichhuahna trade hrang hrangah mi 55 train chhuah an ni.
5. PUBLIC WORKS DEPARTMENT
PWD Mamit Division hian kawng 273.80 Kms a thui a enkawl mek a. Heng a hnuaia hna te hi kum 2024-2025 chhunga hna thawh mek leh thawh zawh te an ni:
NABARD : NABARD hnuaiah “Strengthening and Improvement of W. Phaileng to Marpara” chu 72.34 % zawh tawh a ni.
Maintenance Action Plan hnuaiah kawng Km18.32 thawm that a ni.
Strengthening And Improvement Of State Highways And Other State Roads hna te hi January 2026 ah tan tura ruahman a ni.
SASCI: SASCI hnuaia “Restoration of Damage Due to Cyclone Remal Under Mamit Division” hna chu June 2025 khan hna thawh tan niin, 98 % zawh tawh a ni.
PMGSY : PMGSY Scheme hnuaiah “Construction and maintenance of Phuldungsei to Parvatui Road” 17.30 Kms leh “Construction and maintenance of Tuipuibari to Andermanik Road” 2.760 Kms chu thawh zawh tawh a ni a. “Construction and maintenance of Andermanik to N.Belkhai Road” 6.00 Kms chu thawh mek bawk a ni. Rawpuichhip to Buarpui kawng 77.27 kms a thui hi PMGSY III atanga sanction tawh niin hna hi tan mek a ni.
6. POWER & ELECTRICITY DEPARTMENT
Mamit Power Division hnuaiah hian:-
Construction of 132kV Single Circuit Line on Double Circuit Tower from Bairabi to West Phaileng via Mamit chu Forest Clearance May, 2025 thla tawp khan pawisa pek fel niin 25 July, 2025 khan zawh fel a ni a. Tunah hian hman mek a ni.
Construction of 2x6.3 MVA, 132/33kV S/s at Mamit with Associated 33kV Tower Line up to Zawlnuam via Zamuang : 132kV Line siam zawh tawh hman tangkaina tur Mamit Sub-Station-a Power Transformer lian dah leh Zawlnuam thlenga power that zawkna tura Tower siam te a keng tel a. He hna hi May ni 15, 2025 khan Commission a ni.
Restoration & Improvement of 132kV Line Sihhmui to West Phaileng : West Phaileng Sub-station chuan Sihhmui atangin Power a dawng thei dawn a. 132/33kV Substation Mamit chuan Power dawn theihna kawng hnih (2) a neih theihna tur niin, Mamit bakah Bairabi thleng pawhin Sihhmui atangin Power dawn theihna kawng hei hian a rawn hawng dawn a ni.
33kV Line Restoration and system improvement Works at West Phaileng to Rawpuichhip : 33kV Line West Phaileng in Rawpuichhip a pekna line hun engemaw chen nung tawh lo chu tihnun leh tuma hmalak mek a ni.
Restoration & Realignment of 11kV Line at Dampui Feeder : Dampui leh Dilzawl khuaa te Electric Power tha lehzuala an dawn theihna tura hmalakna kal mek a ni.
Restoration & Realignment of 11kV Line at Kanhmun Feeder : Bungthuam, Luimawi, Kanhmun, Medili, Thinghlun, Bajirungpa khua te’n Electric Power tha leh zuala an dawn theihna tura hmalakna a ni.
7. PUBLIC HEALTH ENGINEERING DEPARTMENT
PHED Mamit WATSAN Division hnuaia hnathawhte:
NESIDS : Augmentation of Greater Mamit Water Supply Scheme Part – II (Clear Water and Distribution System) 40 crore man chu 90% thawh zawh tawh a ni. March 2026 hian Trial Run neih hman ngei tuma hmalak a ni.
AMRUT (2.0) : Mamit khawpui tui lak mekna Pumpline chhe zual lai 2 km a thui thlakna tur AMRUT 2.0 hna chu 75% thawh zawh tawh a ni.
SASCI : Cyclone Remal-in tui lakna kawnga chhiatna a thlen hrang hrang te SASCI fund hmangin siam that a ni.
SBM(G) : Swachh Bharat Mission(Gramin) hnuaiah ekin nei lo te khaw hrang hrangah ekin 1202 sak a ni a.
8. FOOD, CIVIL SUPPLIES & CONSUMER AFFAIRS DEPARTMENT.
National Food Security Act, 2013 (NFSA,2013) hnuaiah chhungkaw harsa PHH – 53488 member leh AAY chhungkua 1858 te hnenah thlatin buhfai 3324.70 Qtls. (Approx) a thlawn a sem thin a ni. Mipuiin buhfai buk tling leh dik taka an lak theih nan Mamit District chhung Supply Godown zawng zawngah Digital Weighing Scale hman vek tawh a ni. Tin, Fair Price Shop zawng zawngah Digital e-POS Weighing Machine bakah Iris Scanner hman vek tawh a ni.
9. MIZOFED : Gas connection 5900pek chhuah a ni a, Ujjwala Scheme hnuaia Free connection awm sa 788 bakah free connection 31 pek chhuah belh a ni.
10. ECONOMICS & STATISTICS DEPARTMENT
Economic and Statistics Department Mamit chuan kum 2025 chhungin Birth Certificate 3961 leh Death Certificate 16 a pe chhuak a. RBD te atangin nau piang 1453 leh mithi 285 report dawn a ni bawk.
11. GOVT. MAMIT COLLEGE
Pradhan Mantri Uchchatar Shiksha Abhiyan (PM-USHA) Gendar Inclusive & Equity Initiative hnuaiah Girls Hostel (400 lakh), Girls Common Room (50 lakh), Sports Ground (180 lakh) Basket Ball leh Volley Ball Ground siam mek a ni a, Library Building leh Toilet (60 lakh) leh Water Harvesting Tank lian (15 lakh) te hmachhawp a la ni.
12. MAMIT FOREST DIVISION
Mamit Forest Division hnuaia kum 2025-2026 chhung November, 2025 thleng a Forest Revenue hmuhzat chu Rs. 11,40,115/- ani.
13. AGRICULTURE DEPARTMENT
RKVY-Soil Health & Fertility Scheme hnuaiah Soil Health Card chu December 2025thleng khan 1800 semchhuah tawh a ni. Per Drop More Crop (PDMC) hnuaiah hian tanky pakua litres (28000lts) siam tawh a ni a, National Food Security Nutrition Mission (NFSNM) hnuaiah Leilet neituten buh an phunna tur tanpuina bakah buh chi sem a ni bawk. Tin, thlasik thlai Field Pea (Chana), Rajma leh Dal (Lentil) chi te sem a ni.
Rainfed Area Development (RAD) hnuaiah Kawrtethawveng leh Darlak khua-ah te Cluster siam niin mi sawmli (40) hnenah hmalakna tur Rs. 30,000/- theuh pek an ni a, thlai chin dan leh enkawl dante training pek an ni.
NMEO-OP hnuaiah Oil Palm chingtute huan panna kawng thawm that a ni a. Tin, April atanga December 2025 chhungin, Mamit District chhungah Oil Palm metric tonne 3645 hralh chhuah tawh a ni a, hemi chhung vek hian Mamit District chhunga khaw 27 ah Oil Palm Seedling 66,948 leh Oil Palm lawhna hmanrua a chingtu mi 338 hnenah semchhuah a ni bawk,
14. LAND REVENUE & SETTLEMENT DEPARTMENT
April 2025 – December 2025 chhungin Land Revenue and Settlement, Mamit District-ah ram teh dilna hrang hrang 337 tihfel a ni a. Revenue Tax Rs. 1,65,340/- leh Non – Tax Rs. 4,37,383/- hmuh a ni.
15. COMMERCE & INDUSTRIES DEPARTMENT
District Commerce & Industries Office, Mamit chuan entrepreneurship tih hmasawnte, Micro, Small and Medium Enterprises (MSME) te tanpuite, Central leh State Sorkar scheme hrang hrang kalpuiin District chhunga economic hmasawnna tipung turin hma a la reng a.
RAMP Scheme hnuaiah hian Smart Classroom leh video conferencing neih theihna tur ruahmanna siam a ni. Prime Minister’s Formalization of Micro Food Processing Enterprises (PMFME) scheme chungchangah district pumah awareness programme buatsaih a ni.
Prime Minister’s Employment Generation Programme (PMEGP) hnuaiah entrepreneur eng emaw zat tanpui an ni tawh a. Uttar Poorva Transformative Industrialization Scheme (UNNATI) hnuaia Project pahnih Guest House din leh Hotel dinna tur tanpuina pek tura hmalak mek a ni.
16. CO-OPERATION DEPARTMENT
Mamit District-ah Registered Cooperative Society 124 zinga 3 te hi kumin chhunga register tharte an ni. Awlsam taka loan an lak theihna tur (M-Pacs) 14 kan neih hnuaiah Credit activity (Bank tenau) khawih panga (5) neih a ni a, heng zinga M-Pacs pahnih (2) te hi banking operation ti thei tura thuam (compuetised) an ni tawh.
17. SOCIAL WELFARE DEPARTMENT
National Social Assistance Programme (NSAP) hnuaia pension pathum Indira Gandhi National Old Age Pension Scheme (Upa Pension), Indira Gandhi National Widow Pension Scheme (Hmeithai Pension), and Indira Gandhi National Disabled Pension Scheme (Rualbanlo Pension) kan tihte hi State Share March 2025 thleng sem tawh niin Central Share September 2024 thleng sem chhuah tawh a ni.
18. DISTRICT CHILD PROTECTION UNIT
Institutional care: District Child Protection Unit, Mamit District hnuaiah Child Care Institutions (CCI) 3 (pathum)- Buannel, Joshua’s Children Home leh Mamit Observation Home te an awm.
Non- Institutional care: Foster Care naupang pahnih (2) hnenah pek mek niin, naupang rethei leh tanpui ngai zual bik 197 (hmeichhia 109 & mipa 88) te hnenah sponsorship thlatin Rs 4,000/- pek mek an ni.
Counselling hi naupang bakah an nu leh pate mi 70 neihpui an ni a, awareness campaign vawi 29 huaihawt a ni. JJ Act hnuaia din Child Welfare Commitee chuan naupang sawmruk paruk (66) te chungchang an ngaihtuahin an chingfel a ni. JJB chuan naupang sawmhnih panga (25) chungthu an rel fel a ni.
19. DIST. PROGRAMME OFFICE (ICDS)
Mamit District hnuaiah hian Anganwadi Centre 282 awmin, heng Anganwadi Centre zawng zawng hi Poshan Tracker Application hmanga vil leh enkawl mek a ni. Facial Recognition System Drive neih niin, 90% chuan e-KYC an tifel tawh.
District Hub for Empowerment of Women (DHEW) hnuaiah hian PMMVY (Maternity benefit Programme) -ah kumin January thla thleng hian Nu naupai 636 te’n naupai lawmpuina Rs. 5000 theuh an dawng.
20. LOCAL ADMINISTRATION DEPARTMENT
Kumin sawrkar kum kal mekah 15th Finance Commission 2023-2024 FY 1st & 2nd instalment sum Tied leh Untied fund atangin Rs. 8,02,08,000/- hmangin Mamit District chhunga Village Council ten hmasawnna ruhrel siam hna hrang hrang an thawk tawh a. RGSA fund atangin Panchayat Bhawan Rs.20 lakh theuh hmangin Zomuantlang leh New Mamit ah te sak thar a ni bawk.
21. SERICULTURE DEPARTMENT
Department of Sericulture hnuaiah Kum 2025-2026 chhung hian Mamit District atanga kut hnathawktute’n Eri Cocoon 15.49 Kgs, Mulberry cocoon 1230.78 kgs leh Muga cocoon 4601 nos. lai an thar chhuak a. Central Silk Board, Ministry of Textiles, Govt. of India hnuaiah Silk pangang khawia eizawnna ngelnghet an neih theih nan Mamit district a kuthnathawktu chhungkua 89 lai project-ah hian ziah luh leh zirtirna pek an ni.
22. TAXATION DEPARTMENT
Taxation Department, Mamit Zone chuan nikum chungin State Goods & Services Tax (SGST) Rs.69,27,202/-, Profession Tax Rs.1,29,08,659/- leh Mizoram Value Added Tax (MVAT) Rs.12,67,715/- a hmu a, a vaia belhkhawmin Rs.2,11,03,576/- a ni.
23. HORTICULTURE DEPARTMENT
Mizoram Bana Kaih (Handholding Scheme) hnuaiah Progress Partner (CM Special Package) atangin chhungkaw 24 hnenah Rs.79,000/- (cheng singsarih sangkua) theuh sem chhuah a ni a, Progress Partner (loan) hnuaiah chhungkaw 14 loan la tura thlanchhuah an ni bawk.
Mission for Integrated Development of Horticulture (MIDH) scheme atangin AES of M. Orange scheme, AES of Papaya scheme leh AES of Spices (Mizo Chilli) scheme hnuaiah chhungkaw 75 tan pek chhuah a ni. Rejuvenation of Senile Plantation of M. Orange scheme hnuaiah chhungkaw 100 tan tanpuina pek a ni a, thlaichi chi hrang hrang leh hmanrua te sem chhuah a ni bawk.
RKVY-PDMC-MI scheme hnuaiah hian Drip leh Sprinkler irrigation system chu chhungkaw 33 hnenah install mek a ni.
24. INFORMATION & PUBLIC RELATIONS DEPARTMENT
I & PR Dept Mamit chuan 2025-2026 chhung hian Official function 275 leh VIP 30 cover in, Press Release 322 an chhuah a ni.
25. URBAN DEVELOPMENT & POVERTY ALLEVIATION DEPARTMENT
Swachh Bharat Mission hnuaiah Aspirational Toilet Mamit District Hospital bulah sak a ni a, Ekin sakna IHHL dawngtu mi 114 zinga 95 in an sa zo tawh.
PMAY(U) (HFA) 1.0 hnuaiah mi 546 hnenah insak tanpuina pek niin, PMAY 2.0 hnuaiah mi 28 thlanchhuah an ni bawk.
PMSVANidhi hnuaiah hian Street Vendor mi 21 hnenah Street Vendors Loan pekchhuah a ni.
DAY-NULM (Deendayal Antyodaya Yojana – National Urban Livelihood Mission) hnuaiah Self Help Group (SHG) 89 leh Area Level Federation (ALF) pathum din tawh a ni.
26. AH & VETY DEPARTMENT
August 2025 - December 2025 chhungin Ran damlo 4914 enkawl niin, Ran hri danna 615 pek a ni. Ran kah rai (AI) 135 awmin, African Swine Fever (ASF) vanga Vawk chan chhungkua 11 hnenah zangnadawmna Rs. 84,000 pek an ni. Handholding (Bana Kaih) Scheme 2nd Phase ah AH&Vety Department hnuaia diltute endik zawh niin, Chief Minister Special Package dawngtu chhungkaw sawmpathum (13) sum hman dan inspection neih vek a ni bawk.
27. FISHERIES DEPARTMENT
PMMSY Scheme (2024-2025) hnuaiah Rs. 25,20,000/- chu Construction of New Rearing Pond atan beneficiaries 30 hnenah sem a ni a. Sangha chaw 110 quintals, 50% subsidized rate a sem a ni bawk. Sangha phurhna insulated vehicle leh two-wheeler te sem a ni bawk.
28. TRANSPORT DEPARTMENT (DTO)
Kum 2025-2026 chhungin District Transport Office, Mamit ah Lirthei 337 register a ni a. Driving License 266 leh Learner License 570 pek chhuah a ni. Lirthei leh License kaihhnawih a fee leh Tax chi hrang hranga Revenue lut zat chu Rs. 66,80,053/ a ni.
29. FIRE & EMERGENCY SERVICES
Mamit Fire Station-ah hian nikhatah darkar 24 duty awmin, April, 2025 chinah hian vanneihthlak takin kangmei chhuak avanga Fire call dawn a awm lova, Motor Accident avangin vawikhat tlanchhuah a ni. Fire Awareness Campaign & Training leh Fire Safety Audit/Inspection te neiin School, District Hospital leh hmundangah ah te vawi-6 chhuah a ni.
30. LAND RESOURCES, SOIL & WATER CONSERVATION DEPARTMENT
Chief Minister Rubber Mission Pilot Project khaw 19-ah neih mek niin seedling pek vek an ni. Polypot 3,79,800 ram 844 Ha. atan pekchhuah niin, Hectare khatah Rs 60,480/- zel pek a ni. Chief Minister Rubber Mission Phase-II 2026-2027 atan selection cluster final peihfel a ni tawh a, khaw 7 tan 436 Ha. ruahman a ni.
RKVY Scheme hnuaiah Micro-watershed siam hna Hriphaw, Suarhliap, Zamuang, Lengpui leh Rawpuichhip khuaah te thawh a ni a.
NABARD sum atangin Link road Ailawng atanga Vaipuanpho leh Borai Atanga Chengkawllui ah te siam mek a ni.
31. DISTRICT PANCHAYAT RESOURCE CENTRE (SIRD&PR) DPRC
Kum 2025-2026 chhung hian District Panchayat Resource Centre, SIRD&PR Mamit chuan Mamit District huam chhunga Village Council Member zawng zawngte tan Online Training leh Zawlnuam I, Zawlnuam II, West Phaileng leh Kawrtethawveng RD Block Village Council Member te tan Physical Training a buatsaih bawk.
32. STATE BANK OF INDIA :
Kum 2025-2026 chhungin Bana Kaih hnuaiah loan Rs.32,37,500/- sanction tawh a ni. Social security scheme (Central Scheme) PMJJBY/PMSBY/APY/PMJDY Accounts 261 hawn a ni. Financial Literacy Campaign (FLC) tum 10 neih a ni bawk.
33. MIZORAM COOPERATIVE APEX BANK LTD.
Tun sorkar kum kal mekah hian Deposit Rs. 17Cr. 50 lakh neiin Loan Rs. 5 crore 67 lakh pekchhuah a ni.
34. SUPERINTENDENT OF POLICE, MAMIT DEF
Mamit District chhunga Police Station hrang hrangah case 76 ziah luh a ni a. Heroin 0.488gram, Rs.1,12,000/- man hu man a nia, Rakzu 406.5 ltrs, Rs. 2,03,250/- man hu te man a ni bawk. Sualna leh dan bawhchhiatna lo pung zel tur venna atan Mamit District chhunga Police Station leh Outpost hrang hrang te’n regular takin Foot Patrolling an kalpui thin a, a bikin Pathian Ni inkhawm reh laiin patrolling uluk taka kal pui a ni a, hemi avang hian nasa takin rukrukna leh dan bawhchhiatna dang te a tlak hniam phah a ni.
35. 4TH IR BATTALION
Quick Response Team, Aizawl District leh NDRF Team te nen 4th IR Battalion SDRF mi 31 te chu ni 17.3.2025 atanga ni 04.04.2025 chhung Disaster Management training pek an ni.
36. DEPUTY COMMISSIONER OFFICE
DC Office atanga enkawl Aspirational District Programme (ADP) kaltlangin Mamit District hmasawnna kawng lian tak tak panga (5) – Health & Nutrition, Education, Agriculture & Water Resources, Basic Infrastructure leh Financial Inclusion & Skill Development hnuaiah te hmalakna hrang hrang kalpui a ni. He Programme hi India ram pumpuiah inelnaa titha lawmman pek thin kan ni a. Mamit District chu a titha pawl kan nih thin avangin Rs. 19 Crore man hu project te kan dawng tawh a, a chunga kan sawi tak hmasawnna hna hrang hrang atan te hian a concerned department ah sem chhuah zel a ni a. Nikum khan Lawmman dawn tur Rs. 2 Crore leh Rs. 3 crore kan hmuh belh leh tawh bawk a ni. Kum 2024-2025 Sampoornata Abhiyan (Saturation Campaign) ah Aspirational District zingah Copper Medal leh Aspirational Block zingah Bronze medal kan la a ni. Kan District mipuite hmasawn nana thawhpuiah ka sawm thar theuh che u a.
Vawiin ni hi hlim taka hmang turin duhsakna ka hlan nawn leh vek a che u.
Ka lawm e.
