No.7221/2020-2021

Kumin India Republic Day Aizawl-a lawmna atan inbuatsaihna kalpui chhunzawm zel a ni a. Lammuala Republic Day lawmna atana ruahmanna bawhzuitu Technical Committee chu vawiin khan Chairman Pu C.Lalruaia, Sr.S.P Aizawl hovin S.P office conference hall-ah an thu khawm a. Department hrang hrang ten mahni chanvo leh mawhphurhna an kalpui mek dan te sawi hovin Parade Ground atana Lammual buatsaih mek pawh a hmunah an thlir ho a ni. 

Kumin Republic Day ah hian Covid 19 hrileng leh Mizoram dinhmun te thlir chungin Governor’s AT HOME chu mi sawm bik tlemte nen hmang turin ruahmanna siam a ni a. Vawiin khan Pu K. Lalthawmmawia IAS, Secretary to Governor hovin a office chamber-ah sawrkar department pawimawh ten AT HOME programme hman dan tur hi an rel ho bawk a ni.