Vawiin khan 18 Aizawl South-I (ST) Assembly Constituency chhunga Polling Station No. 16 (Republic-I)-a inthlan that (Re-poll) chu muanawm leh tluang tak a neih a ni. He Polling Station No. 16-ah hian vote nei mi 1104 an awm a, chawhnu dar 3:00 thleng khan vote 68.11% a tla tawh. Vote thlak hmasak a chhinchhiahna hnawih nen hriat hran anih theih nan, vawiin a vote thlak te chu an kutzunglaiah chhinchhiahna hnawih sak an ni. Vote hi tlai dar 4:00 thleng thlak a ni.

Vawiina vote thlak zat chu 853 niin 77.26 percent a ni a. Ni 25.11.2013 a vote thlak aiin 16 in an tam a ni.